ઈરાને બનાવ્યું 100 ભાષાઓ બોલતું રોબોટ : નામ રાખ્યું 'સુરેના'

નવી દિલ્હી: ઈરાનની તેહરાન યુનિવર્સિટીએ એક રોબોટ બનાવ્યો છે જે 100 વિવિધ ભાષાઓને સમજી, બોલી અને ભાષાંતર કરી શકે છે. એટલું જ નહીં, તે ચહેરાઓને ઓળખી શકે છે અને ફૂટબોલને લાત પણ આપી શકે છે. આઈઆરઆઈબી ટીવીના રિપોર્ટ અનુસાર, યુનિવર્સિટીની એન્જિનિયરિંગ ફેકલ્ટીએ ચાર વર્ષમાં આ રોબોટ બનાવ્યો છે. તેનું નામ 'સુરેના' છે.અહેવાલ મુજબ, આ રોબોટ વસ્તુઓ પસંદ કરી શકે છે અને ચહેરાઓને ઓળખવામાં 'નિપુણતા' ધરાવે છે. ઉપરાંત, તે હાથ મિલાવી શકે છે અને લોકોને શુભેચ્છા પાઠવી શકે છે.સૂત્રોએ જણાવ્યું હતું કે, "સુરેના, જે 170 સે.મી. લાંબી છે અને 70 કિલો વજન છે, તે કલાકના 0.7 કિ.મી.ની ઝડપે દોડવા માટે સક્ષમ છે અને તે ખાડાવાળી જમીન પર પણ પાછળ-પાછળ ફરી શકે છે. આ સિવાય તેમાં મનુષ્ય જેવા ઘણા ગુણ છે.