ચીનમાં ગલવાન ઘાટીમાં શહિદ જવાનોની સમાધિ પર ફોટા પાડવા આ શખ્સને પડ્યા ભારે
નવી દિલ્હી: ચીનમાં લાંબા સમયથી તાનાશાહી ચાલી રહી છે. નવી ઘટનામાં બેઇજિંગ સરકારની નારાજગી બાદ એક જાણીતા ટ્રાવેલ બ્લોગર (Travel Blogger) ને 8 મહિનાની કેદની સજા ફટકારવામાં આવી છે. આ બ્લોગર વિરુદ્ધ આરોપ છે કે તેણે ગલવાન ઘાટીમાં (Galwan Vally) શહીદ જવાનોની સમાધિ પર તસવીરો ખેંચાવી હતી. જેનાથી ઘાટીમાં મોતને ભેટેલા ચીની સૈનિકોનું અપમાન થયું છે. તમને જણાવી દઈએ કે ગલવાનની આ ઘાટીમાં ભારત અને ચીનના સૈનિકો વચ્ચે ઘર્ષણ થયું હતું. શરૂઆતમાં ચીને તેને થયેલા નુકસાનનો ઇનકાર કર્યો હતો. ત્યારબાદ તેણે સ્વીકાર કર્યો કે, અમારા સૈનિકોના પણ મોત થયા છે. પછી મોતને ભેટેલા સૈનિકોની યાદમાં સમાધિ બનાવી હતી.
આ બ્લોગર દ્વારા ચીનના શહીદ જવાનો માટે બનેલી સમાધિ પાસે તસવીરો ખેંચાવાની પુષ્ટિ થયા બાદ તંત્રએ તેની વિરુદ્ધ કેસ દાખલ કરાવ્યો હતો. ત્યારબાદ ઉત્તર પશ્ચિમી ચીનના ઝિંગિયાંગ ઉઇગર ક્ષેત્રના પિશાન કાઉન્ટીની સ્થાનિક કોર્ટે આ સજા ફટકારી છે.