૨.૫ કિલોના એક અવાકાડોએ તોડયો ગિનેસ વર્લ્ડ રેકોર્ડ

હવાઈના કુલા શહેરમાં રહેતા માર્ક અને જુલિઆન પોકિની નામના યુગલે દસ વર્ષ પહેલાં તેમના ઘરના આંગણામાં અવાકાડોનું એક વૃક્ષ રોપ્યું હતું. આ વૃક્ષ પર થોડાક દિવસ પહેલાં તેમને એટલું જાયન્ટ ફળ જોવા મળ્યું કે તેમને પહેલાં તો તોડવાનું જ મન ન થયું. ત્યાર બાદ તેમણે એ ફળ માપી જોયું અને વજન કર્યું તો પૂરા અઢી કિલોનું એક ફળ હતું. શું આ રેકોર્ડબ્રેક ફળ હશે? એ વિચારે તેમને ગિનેસ વર્લ્ડ રેકોર્ફ્સનો સંપર્ક કરવા પ્રેર્યા. એ પછી તો લગાતાર તેમના આ ફળની તપાસ થઈ અને આખરે એને ગિનેસ દ્વારા જાયન્ટ અવાકાડો ઉગાડવાનો ખિતાબ મળી પણ ગયો. આ ફળ એટલું જાયન્ટ છે કે એની અંદરથી નીકળતો ઠળિયો સાદા અવાકાડો ફળ જેવડો છે.