ગ્લોબલ વોર્મિંગના કારણે 130 દેશોના 11હજાર વૈજ્ઞાનિકોએ આપી ચેતવણી

નવી દિલ્હી:ગ્લોબલ વોર્મિંગને કારણે આઈસબર્ગ ઝડપથી ઓગળી રહ્યો છે. તેનું જ પરિણામ છે કે આર્કટિકમાં મોજૂદ સૌથી જૂનો અને સ્થિર આઈસબર્ગ ઝડપથી ઓગળી રહ્યો છે. આ જ કારણે 130 દેશોના 11 હજાર વૈજ્ઞાનિકોએ ચેતવણી આપી છે.

130 દેશોના 11 હજાર વૈજ્ઞાનિકો આર્કટિકના જે ભાગની વાત કરી રહ્યા છે તેને ધ લાસ્ટ આઈસ એરિયા કહેવામાં આવે છે. જે દુનિયાનો સૌથી જૂનો અને સ્થિર બર્ફાચ્છાદિત વિસ્તાર છે. પણ હવે તે ઝડપથી ઓગળી રહ્યો છે. એ પણ બેગણી ઝડપે. ધ લાસ્ટ એરિયા 2016માં 41.43 લાખ વર્ગ કિમી હતો, જે હવે ઘટીને 9.99 લાખ વર્ગ કિમી જ બચ્યો છે. જો આ જ ઝડપે બરફ ઓગળતો રહેશે તો 2030 સુધીમાં ધ લાસ્ટ એરિયા પૂરેપૂરો ઓગળી જશે.