૧૮મી સદીનો ચાઇનીઝ કુંજો વેચાયો ૩૯.૮ કરોડ રૂપિયામાં

ર૦૦ વર્ષથી વધુ જૂનો બ્લુ અને વાઇટ રંગની કારીગરી ધરાવતો પોસેલિનનો મૂન શેપનો કુંજો ફ્રાન્સમાં એક ઓકશનમાં વેચાવા મુકાયો હતો. આ ફાલસ્ક ચાઇનીઝ સમ્રાટ કીઆન્લોન્ગના ખજાનામાંથી નીકળ્યો હતો આ સમ્રાટ કળાના જબરા શોખીન કહેવાતા હતા.પૂર્ણિમાના ચંદ્ર જેવા શેપના આ ફલાસ્કમાં આઠ બુધ્ધિષ્ટ સિમ્બોલ્સ છે. એપ્રિલ મહિનામાં એક પુરાણા ફ્રેન્ચ કિલ્લામાંથી આ ફલાસ્ક મળી આવ્યો હતો. આ ફલાસ્ક ખરીદીને પાછો ચીનમાં લાવવા માટે ૧૭ બિડર્સ બોલી લગાવવા બેઠા હતા. પરંતુ તેમને માત આપીને એક ફ્રેન્ચ મહિલાએ આ કુંજો મેળવી લીધો હતો. ઉપરાઉપરી બોલીને કારણે નિષ્ણાંતોના અંદાજ કરતાં દસગણી વધુ કિંમતે આ ફલાસ્ક વેચાયો હતો. ૪.૧ મિલ્યન યુરો પર કુંજાની બોલી અટકી અને એ પછી એકસચેન્જ અને અન્ય ફીઝનો ઉમેરો કરતા ખરીદનારને એ લગભગ પાંચ મિલ્યન યુરો એટલે કે ૩૯.૮ કરોડ રૂપિયામાં પડયો.