દુનિયાની સૌથી મોંઘી ઘડિયાળની કિંમત જાણીને થશે સહુ કોઈને અચરજ: 222 કરોડ રૂપિયામાં થઇ હરાજી
નવી દિલ્હી:દુનિયાની સૌથી મોંઘી ઘડિયાળની કિંમત જાહેર થઈ છે અને તે છે 222 કરોડ રૂપિયા. તાજેતરમાં સ્વિત્સરલેન્ડની લક્ઝુરિયસ વોચ નિર્માતા કંપની Patek Philippeની આ ઘડિયાળને હરાજી દરમિયાન વેચવામાં આવી છે. આ ઘડિયાળ ૩૧ મિલિયન સ્વિસ ફ્રેંક (આશરે ૨૨૨ કરોડ રૂપિયા)માં વેચાઈ છે. આ અત્યાર સુધીની દુનિયાની દરેક રિસ્ટવોચમાંથી સૌથી વધારે કિંમત ધરાવતી ઘડિયાળ છે. આ હરાજી એક ચેરિટી માટે કરવામાં આવી હતી અને આની સંપૂર્ણ રકમ દાનમાં આપવામાં આવી છે.
'ઓન્લી વોચ' નામની આ ચેરિટી હરાજીનું આયોજન જિનિવામાં કરવામાં આવ્યું હતું. Patek Philippeની આ ઘડિયાળ Grandmaster Chime 6300A-010ને ખાસ આ ચેરિટી હરાજી માટે જ તૈયાર કરવામાં આવી હતી. શનિવારે યોજાયેલી આ હરાજી ફક્ત પાંચ મિનિટ સુધી જ ચાલી હતી. લોકોને આશા હતી કે આ ઘડિયાળ અઢીથી ત્રણ મિલિયન સ્વિસ ફ્રેંકમાં વેચાશે.