કેલિફોર્નિઆયામા ફાયરિંગની ઘટનામાં બંદૂકધારીએ પાંચ લોકોની હત્યા કરી આપઘાત કર્યો

નવી દિલ્હી:અમેરિકાના કેલિફોર્નિયામાં એક બંદૂકધારીએ પાંચ લોકોને ગોળી મારીને ઠાર કરી પોતે આત્મહત્યા કરી લીધી હતી. મૃતકોમાં આ બંદૂકધારીની પત્નીનો પણ સમાવેશ થાય છે. આ અજાણ્યા બંદૂકધારીએ દ‌િક્ષણ કેલિફોર્નિયામાં પાંચ લોકો પર ગોળીઓ વરસાવીને તેમને માેતને ઘાટ ઉતારી દીધા હતા.

પોલીસ તરફથી મળેલી માહિતી અનુસાર આ અજાણ્યા બંદૂકધારીએ પોતાની પત્ની અને બેકર્સ ફિલ્ડ કંપનીના એક ટ્રક ડ્રાઇવરને પણ મારી નાખ્યો હતો. આ ઘટના શેરીફ નજીક ઘટી હતી. કેર્ન કાઉન્ટી શેરીફના ડોની યંગબ્લડે જણાવ્યું હતું કે ગોળીબારની ઘટના બુધવારે સાંજે પ-૩૦ કલાકે એક વેપારી કેન્દ્રમાં અને બેકર્સ ફિલ્ડના એક ઘરમાં ઘટી હતી. આ સ્થળ નોર્થ લોસ એન્જલસથી ૯૦ માઇલ દૂર છે.