દૂધ પીતી વખતે બાળકને એડકી આવે તો આટલુ કરો
બાળકનો જન્મ થતા તેની માંને જેટલી ખુશી થાય છે, એટલી જ તે તેના સ્વાસ્થ્યને લઈને ચિંતિત પણ હોય છે. તે એવુ ઈચ્છતી હોય છે કે તેના બાળકને કંઈ મુશ્કેલી ન પડે. ઘણીવાર તે બાળકની નાની-નાની સમસ્યાને લઈને પણ હેરાન થઈ જાય છે. તેમાંથી એક સમસ્યા છે એડકી. તો જાણી લો દૂધ પીતી વખતે બાળકને એડકી આવે તો શું કરવું?
જ્યારે બાળકને દૂધ પીતા-પીતા એડકી આવે છે તો તરત જ દૂધ પીવડાવવાનું બંધ કરી દો. અને તેને ઓડકાર આવે તે માટે તમારા ખંભા પર ઉંધા સૂવડાવીને હળવા હાથે સહેલાવો. તેનાથી તેને ઘણી રાહત મળશે અને પેટની અંદર રહેલ ગેસ નીકળી જશે. ઉપરાંત બાળકને દૂધ પીવડાવ્યા બાદ ઓડકાર જરૂર અપાવવો. જેથી બાળકને દૂધ પચાવવામાં સરળતા રહે.
જો બાળકમાં આ સમસ્યા દરરોજ જોવા મળે તો તેને દૂધ પીવડાવવાનો સમય બદલી નાખો. આ ઉપરાંત જો બાળકને પેટ ભરીને દૂધ પીવડાવવાની બદલે થોડા-થોડા સમયે દૂધ પીવડાવો.