મ્યાનમારની ૨૦ વર્ષીય જો વિદ્યાર્થી છે જ્યારે તેનો ૭૭ વર્ષીય બોયફ્રેન્ડ ડેવિડ ઇંગ્લેન્ડમાં મ્યુઝિક પ્રોડ્યુસર છે

લંડન,તા.૬: પ્રખ્યાત ગાયક જગજીત સિંહનું એક પ્રખ્યાત ગીત છે જેની લાઇન પ્રેમને ખૂબ સારી રીતે સમજાવે છે - 'ના ઉમ્ર કી સીમા હો ના જન્મ કા હો બંધન જબ પ્યાર કરે કોઈ તો દેખે કેવલ મન.' આ બતાવે છે કે પ્રેમમાં ઉંમર, અંતર કે ધર્મ-સમુદાય જેવી બાબતો મહત્વની નથી. જયારે બે લોકો એકબીજાને પ્રેમ કરે છે, ત્યારે તેઓ ફકત એકબીજાના મનને જુએ છે. આવું જ કંઈ મ્યાનમારની ૨૦ વર્ષીય મહિલા સાથે થઈ રહ્યું છે, જે ૩૦-૪૦ નહીં પરંતુ ૭૭ વર્ષના પુરુષના પ્રેમમાં પડી ગઈ છે, જે તેનાથી માઇલો દૂર રહે છે.

ધ સન વેબસાઇટ અનુસાર મ્યાનમારની ૨૦ વર્ષીય જો વિદ્યાર્થી છે જયારે તેનો ૭૭ વર્ષીય બોયફ્રેન્ડ ડેવિડ ઈંગ્લેન્ડમાં મ્યુઝિક પ્રોડ્યુસર છે, જેમના કોઈ બાળક નથી. બંને ૧૮ મહિનાથી રિલેશનશિપમાં છે પરંતુ એકબીજાને પ્રેમી-પ્રેમિકા કહેવાનું ટાળે છે. તેઓ પોતાને ગાઢ મિત્રો અને જીવનસાથી માને છે. મ્યાનમારની આંતરિક પરિસ્થિતિઓ અને કોરોના મહામારી બંનેને એકબીજાથી દૂર રાખી રહી છે.

જો અને ડેવિડ ૧૮ મહિના પહેલા ડેટિંગ સાઇટ પર મળ્યા હતા. જો એવા માર્ગદર્શકની શોધમાં હતી જે તેને ટેકો આપે અને તેને અભ્યાસ કરવામાં આર્થિક મદદ કરે જોકે ડેવિડ ફ્લર્ટિંગને કારણે સાઇટ પર આવ્યા હતા. તેણે સમજાવ્યું કે તે હંમેશાં પોતાને હૃદયથી યુવાન માને છે, તેથી તે ૫૦ વર્ષથી ઓછી વયની મહિલાઓ સાથે સંબંધો રાખવા માંગે છે. તે સમય દરમિયાન, જોએ પણ તેના ડિસ્ક્રિપ્શિનમાં યુકેમાં અભ્યાસ કરતા પાત્રનો પણ ઉલ્લેખ કર્યો હતો પરંતુ તે મ્યાનમારમાં રહેતો હતો. તેણે બ્રિટેનમાં તેના પાર્ટનરને શોધવા માટે જૂઠું બોલ્યું હતું.

જો અને ડેવિડ વચ્ચે પહેલા ઘણી પુખ્ત વાતો કરતાં હતા પરંતુ ધીમે ધીમે બંને ભાવનાત્મક રીતે પણ જોડાતા ગયા. પછી જોએ તેમને કહ્યું કે તે મ્યાનમારમાં રહે છે. જોકે, તેનાથી ડેવિડને કોઈ ચિંતા થઈ ન હતી. હવે ડેવિડ ખુશ છે કે તે માર્ગદર્શક તેમજ તેના જીવનસાથી બનવાના છે. બંનેનો ઇરાદો લગ્ન કરવાનો છે અને પાસપોર્ટ મળતા જ તેઓ સરળતાથી વિઝા મેળવશે કે તરત જ તેઓ ડેવિડને મળવા યુકે જશે જયાં બંને લગ્ન કરશે. બંનેએ એકબીજાને એકદમ કાળજી રાખનારા અને સહાયક ગણાવ્યા હતા. આ કારણે તેમની વચ્ચે બોન્ડિંગ પણ વધી રહ્યું છે. હવે ૫૭ વર્ષની ઉંમરના ગેપથી કંઈ ફરક પડતો નથી.

(10:04 am IST)