દેશ-વિદેશ
News of Thursday, 6th December 2018

પીઠની ત્વચામાં હુક ભરાવીને લટકવામાં આ બહેનને બહુ આનંદ આવે છે

ટોરન્ટો તા.૬: કેટલાક લોકોને અતિશય પીડાદાયક અનુભવ વખતે ખૂબ આનંદ અનુભવાતો હોય છે. કેનેડાના ઓન્ટારિયોમાં આવેલા કાકબેકા ફોલ્સ ટાઉનમાં રહેતી કેલ્સી શેફર નામની યુવતીને પણ આવી પીડનવૃતિમાં આનંદ અનુભવવાની આદત છે. શરૂઆતમાં તે પોતાના શરીરને પીડા આપવા માટે ટેટુ ચીતરાવતી હતી. છૂંદણા છૂંદાઇ રહ્યાં હોય એ વખતે થતી પીડાથી તેને ખૂબ જ આનંદ આવતો. જો કે હમાણાંથી તેને પિઅસિંર્ગ કરાવવાની મજા આવી રહી છે.તેના શરીરમાં ૧૪ બોડી-પિઅર્સિંગ કરેલાં છે. પીઠ પરની ત્વચા પર કાણાં પાડીને તેણે એમાં મેટલના હુકસ ભરાવ્યાં છે. આ હુકમાં દોરડું ભરાવીને તે જમીનથી ઊંચે લટકે છે. ૨૮ વર્ષની આ યુવતીને પોતાની ચામડીમાં પાડેલાં કાણાં દ્વારા લટકતી વખતે થતી પીડામાં પણ અવર્ણનીય આનંદ આવે છે. તેનું કહેવું છે કે આ પીડામાં તેને ખુબ જ એકસાઇમેન્ટ બોડીમાં અનુભવાતું હોવાથી તે અવારનવાર બોડીમાં ભરાવેલા હુકથી શરીરને જયાં-ત્યાં ટીંગાડીને આનંદ માણે છે.(૧.૨૧)

(4:09 pm IST)