બ્રિટનના દરિયા કિનારે મળી આવ્યું 15 ફૂટનું એક રહસ્યમય પ્રાણી
નવી દિલ્હી: બ્રિટનના બીચ પર 15 ફૂટનું એક રહસ્યમય પ્રાણી દેખાયું જેને જોઈને લોકોના હોશ ઉડી ગયા. લિવરપૂલ ઇકો અનુસાર, 29 જુલાઇએ આઈન્સડેલ બીચ પર એક વિચિત્ર પ્રાણીની અતિશય ગંધ મારતી લાશ મળી. તે વ્યક્તિએ કહ્યું, "આ શબના ચાર પગ હતા જે ખૂબ જ વિચિત્ર લાગતા હતા. આ લગભગ 15 ફુટ લાંબું હતું અને હાડકા બધે ચોંટી ગયા હતા, તેમાંથી લગભગ ચાર ફૂટ લાંબી સ્ટંક પણ હતી.
કદાચ આ પ્રાણી જન્મ આપી રહ્યું હતું, પછી તે મરી ગયું. વિચિત્ર દેખાતા પ્રાણીની તસવીરો ફેસબુક પર આઈન્સડેલ સમુદાયના ગ્રુપ પર પોસ્ટ કરવામાં આવી હતી, જ્યાં આ ફોટા વાયરલ થઈ ગયા હતા. ચિત્રમાં જોઇ શકાય છે કે એક મોટું પ્રાણી સમુદ્ર કિનારે પડેલો છે અને તેના શરીર ઉપર રેતી ચોંટેલી છે. ધ સનના અહેવાલ પ્રમાણે આ પ્રાણીની ઓળખ હજુ અસ્પષ્ટ છે. તેનું મુખ્ય કારણ એ છે કે તેની લાશ વધુ પડતી સડીને કોહવાઈ ગઈ હોવાથી તેનું મૂળ રૂપ જ બદલાઈ ગયું છે. તેની ઉપર એટલા પ્રમાણમાં રેતી ચોંટી છે કે આ કઈ પ્રજાતિનું પ્રાણી છે તેવું પણ ઓળખી શકાયું નથી. અધિકારીઓએ એક પશુ હટાવવાની કંપની સાથે વાત કરી છે જેથી આ જાનવરના અવશેષોને જલ્દીથી હટાવી શકાય. એવું માનવામાં આવે છે કે આ એક વ્હેલની પ્રજાતિ હોઈ શકે.