News of Friday, 4th October 2019
કેન્યા નજીક બસ-ટ્રક વચ્ચે ગમખ્વાર અકસ્માતમાં 12ના કમકમાટીભર્યા મોત: અન્ય ઈજાગ્રસ્ત
નવી દિલ્હી: કેન્યામાં કિસુમુમાં બસ અને ટ્રક વચ્ચે થયેલ ગમખ્વાર અકસ્માતમાં એક બાળક સહીત ઓછામાં ઓછા 13 લોકો મોતને ભેટ્યા છે તેમજ અન્યને ગંભીર રીતે ઇજા પહોંચી છે. કિસુમુના પોલીસ કમાંડર બેસન માવીયુંએ આપેલ માહિતી મુજબ જાણવામાં આવી રહ્યું છે કે બસ પશ્ચિમી કેન્યાના સિયાયા કાઉંટીથી રવાના થઇ હતી.
કિસુમુના રસ્તાથી નૈરોબી જતી બસ મધ્ય રાત્રીએ અંદાજે 1.30 વાગ્યાની આસપાસ કિસુમુ કેરીચો રાજમાર્ગ પર એક ભારે વાહન સાથે અથડાતા ગમખ્વાર અકસ્માત સર્જાયો હતો. જેમાં એક બાળક સહીત 12 લોકો મોતને ભેટ્યા છે તેમજ અન્ય ઘણા લોકોને ગંભીર રીતે ઇજા પહોંચતા તેમને સારવાર અર્થે નજીકની હોસ્પિટલમાં ખસેડવામાં આવ્યા છે.
(7:29 pm IST)