Gujarati News

Gujarati News

News of Tuesday, 31st March 2020

માત્ર વૃદ્ધોને જ નહીં પરંતુ આધેડોને પણ છે કોરોનાથી મૃત્યુનું જોખમ

નવી દિલ્હી: કોરોના વાયરસનો હાહાકાર વિશ્વભરમાં જોવા મળી રહ્યો છે ત્યારે બ્રિટન દ્વારા કરાયેલા એક અભ્યાસમાં ચોંકાવનારી વિગતો સામે આવી છે. કોવિડ 19 અર્થાત કોરોના સંક્રમણ થયેલા લોકો પૈકી વૃદ્ધોનો મૃત્યુદર ઊંચો હોવાનું અત્યાર સુધી લાગી રહ્યું હતું કારણ કે તેમની રોગ પ્રતિકારક શક્તિ બિલકુલ ઓછી હોય છે. જો કે નવા અભ્યાસ મુજબ કોરોનાથી મધ્યમ વયના અથવા આધેડના મોતનું જોખમ પણ રહેલું છે.

                 મેઈનલેન્ડ ચાઈનામાં થયેલા કોરોનાના કેસના એક વ્યાપક સર્વે બાદ તારણો સામે આવ્યા છે. બ્રિટનના સંશોધકોએ ચીનના વુહાન શહેરમાં ફાટી નિકળેલી મહામારી બાદ સ્વદેશ પરત ફરેલા 3,600થી પણ વધુ કોરોના પોઝિટિવ દર્દીઓ પર અભ્યાસ કર્યો હતોઅભ્યાસમાં જણાયું કે, જીવલેણ ચેપ લાગવા માટે દર્દીની ઉંમર સૌથી મહત્વનું પરિબળ રહ્યું હતું. 80 વર્ષથી ઉપરના પાંચમાંથી એક પેશન્ટને હોસ્પિટલમાં દાખલ કરવાની જરૂર પડી હતી જ્યારે 30 વર્ષથી ઓછી ઉંમરના એક ટકા લોકોને હોસ્પિટલમાં એડમિટ કરવા પડ્યા હતા.

(6:18 pm IST)
  • દક્ષિણ દિલ્હીના નિઝામુદીનના તબલીગી જમાતથી દેશભરમાં પ્રસર્યો કોરોના : છેલ્લા 24 કલાકમાં 227 નવા કેસ નોંધાયા :રાજધાની દિલ્હીમાં રવિવારે છ અને આજે 18 પોઝિટિવ કેસ વધ્યા :માર્કંજમાં સામેલ થવા આવેલ 100થી વધુ લોકો વિદેશી હતા : બાંગ્લાદેશ, શ્રીલંકા, અફઘાનિસ્તાન, મલેશિયા, સાઉદી અરેબિયા ,ઈંગ્લેંડ અને ચીનથી સામેલ થયા હતા access_time 1:10 am IST

  • શેરબજારમાં આજે તેજી : સેન્સેકસ ૮૯૯ પોઈન્ટ વધ્યો : નિફટીમાં ૨૭૫ પોઈન્ટનો વધારો : તાતા સ્ટીલ, એચડીએફસી, બીપીસીએલ, ઓએનજીસી, ગેઈલ, આઈઓસી, વીપ્રોના શેરોમાં તેજી access_time 12:45 pm IST

  • શાકભાજીવાળાને કનડગત : વિડીયો વાયરલ થતા અમદાવાદનો ઇન્સપેકટર સસપેન્ડ : તપાસના હુકમો : શાકભાજી વિક્રેતાઓ પાસે ધરાર લોક ડાઉન પળાવી રહેલ અમદાવાદના કૃષ્ણનગર વિસ્તારના પોલીસ સ્ટાફનો વિડીયો વાયરલ થયા પછી અને ભારે ટીકાઓ થયા બાદ પોલીસ વડા શિવાનંદ ઝાએ કૃષ્ણનગર પોલીસ મથકના ઇન્સપેકટરને સસ્પેન્ડ કર્યા છે. તથા અન્ય સામે તપાસના હુકમો આપ્યા છે. ઇન્સ. વી.આર ચૌધરી એ શાકભાજી લારીઓ ઉંધી વાળી દીધી હતી તેવો વિડીયો વાયરલ થયેલ. access_time 4:07 pm IST