Gujarati News

Gujarati News

News of Monday, 30th November 2020

કોર્ટમાં સતત બક-બકથી કંટાળેલા જજે આરોપીના મોઢા પર પટ્ટી મરાવી

જજે તેને ચૂપ થવા માટે વોર્નિંગ પણ આપી હતી.જેની આરોપી પર કોઈ અસર થઈ નહોતી

વોશિંગ્ટન, તા.૩૦: કોર્ટમાં રજૂ કરાયેલા આરોપીની વધારે પડતી બક-બક સાંભળીને કંટાળી ગયેલા જજે ચાલુ કોર્ટમાં જ આરોપીને એવી સજા ફટકારવાનો હુકમ કર્યો હતો કે, હાજર રહેલા વકીલો અને પોલીસ અધિકારીઓ પણ આશ્યર્યમાં પડી ગયા હતા.

આ ઘટના અમેરિકામાં બની છે.અમેરિકાના ઓહાયો રાજયની એક કોર્ટમાં વિલયમ્સ નામના લૂંટના આરોપીને રજૂ કરાયો હતો.૨૦૧૭માં જ તેને દોષી ઠેરવવામાં આવ્યો હતો અને તેને કોર્ટ સમક્ષ સજા સંભળાવવા માટે રજૂ કરાયો હતો.પહેલી સુનાવણી દરમિયાન વિલિયમ્સ જેલમાથી ફરાર થઈ ગયો હતો.જોકે ૨૦૧૮માં તેને ફરી પકડી લેવામાં આવ્યો હતો અને આ વખતે ફરી કોર્ટમાં રજૂ કરાયો હતો.

જોકે વિલિયમ્સ સતત ૩૦ મિનિટ સુધી બોલતો રહ્યો હતો.જજે તેને ચૂપ થવા માટે વોર્નિંગ પણ આપી હતી.જેની આરોપી પર કોઈ અસર થઈ નહોતી.આખરે કંટાળીને જજે કહ્યુ હતુ કે, હું વકીલો પાસેથી દલીલો સાંભળવા માંગુ છું અને આ માટે આરોપીનુ મોઢુ બંધ કરવામાં આવે.

પોલીસે પણ જજના આદેશનુ પાલન કરવા માટે વિલિયમ્સને તાકીદ કરી હતી.જોકે એ પછી પણ વિલિયમ્સની બક બક ચાલુ રહી હતી .તેનાથી કંટાળીને જજ પોલીસને આદેશ આપ્યો હતો કે, આરોપીના મોઢા પર પટ્ટી મારવામાં આવે.જજના આદેશ બાદ બાકાયદા આરોપીના મોઢા પર પટ્ટી મારવામાં આવી હતી અને બાકીની સુનાવણી પૂરી કરાઈ હતી.

કોર્ટે આરોપીને લૂંટફાટના કેસમાં ૨૪ વર્ષની સજા ફટકારી છે.

(9:30 am IST)
  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • સુરતના ઔધોગીક વિસ્તારમાં વિજિલન્સ ટીમનો સપાટો: વીજ ચોરી કરતી 4 કંપનીઓ સામે આકરી કાર્યવાહી: ચારેય કંપનીમાંથી 2.98 કરોડની વીજ ચોરી ઝડપાઇ: કડક કાર્યવાહીને પગલે વીજચોરોમાં ફફડાટ access_time 1:10 pm IST