Gujarati News

નવી દિલ્હી: દક્ષિણ અફઘાનિસ્તાનના હેલમાન્ડ પ્રાંતના ભીડભાડવાળા બજારમાં થયેલા કાર બોમ્બિંગ અને મોર્ટાર શેલના મારામાં બાળકો સહિત 23 વ્યક્તિઓના મોત થયા છે, દેશના સાંગિન જિલ્લાની આ ઘટના માટે તાલિબાન અને અફઘાન લશ્કર બંને એક-બીજા પર દોષનો ટોપલો ઢોળે છે.

             તાલિબાનોના કબજા હેઠળના આ વિસ્તાર અંતરિયાળ હોવાથી અને પત્રકારો માટે ત્યાં પહોંચવુ અશક્ય જેવુ હોવાથી આ હુમલાના બનાવની વિગતો સ્વતંત્રપણે તાત્કાલિક પાકે પાયે મળી શકી નથી. ગવર્નર જનરલ મોહંમદ યાસિનની ઓફિસે પ્રસિધ્ધ કરેલા નિવેદનમાં આથી વધારે વિગતો જણાવાઇ નથી. કોઇ જૂથે હુમલાની જવાબદારી માથે લીધી નથી.