Gujarati News

Gujarati News

News of Tuesday, 30th June 2020

બ્રોકલીમાંથી ઇયળ નીકળી, ભાઈને ગમી ગઈ એટલે પાળીને એમાંથી પતંગિયું બનાવ્યું

લંડન,તા.૩૦ :તમે ફ્લાવર કે બ્રોકલી જેવી શાકભાજી લાવો અને એમાંથી જો ઇયળ નીકળે તો શું કરો? ઇંયળની સાથે જ બ્રોકલીને પણ ફેંકી દઈએ. જોકે સ્પેનમાં રહેતા સેમ ડોર્સલ નામના ભાઈએ બ્રોકલીમાંથી મળેલી ઈયળનું જે કર્યું એ વિશે કોઈ વિચારી પણ ન શકે. તેણે શાક બનાવવા માટે બ્રોકલી સમારી ત્યારે અંદરથી નીકળેલી કેટરપિલરને એમ જ ફેંકી દેવાને બદલે એનું નામ પાડીને એને ડબ્બીમાં ભરી રાખી. સેમે એનું નામ સેડ્રિક રાખ્યું. ઇયળવાળી બ્રોકલી તેણે સુપરમાર્કટવાળાને બતાવી તો તેમણે એને રિપ્લેસ ન કરી આપી. જોકે એ જે નવી બ્રોકલીઓ આવી  એમાં પણ બીજી ફુલ છ ઇયળો નીકળી.  હવે તો સેમ ઇયળ કેવી રીતે પેદા થાય છે એ જોવા સમજવા માગતો હતો એટલે તેણે એ ઇયળને અલગ બોટલમાં ભરી લીધી. એને ખાવા માટે ખૂબબધી બ્રોકલી પણ આપી. લગભગ ત્રીસ કલાક બાદ આ સાત ઇયળો મેટાપોડ બની ગઈ અને પછી મેટાપોડમાંથી એ પતંગિયાનું કકુન બની ગયું. આ કકુનમાંથી ધીમે-ધીમે પતંગિયું બની ગયુ  સાતેય પતંગિયાઓનાં સેમભાઈએ નામ પાડ્યું  છે અને હવે તેમના બગીચામાં એ પાળેલાં હોય એમ ફુદકે છે.

(3:11 pm IST)
  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • રાજયમાં ૧૨ વાગ્યા સુધીમાં ૧૦૨ તાલુકામાંં વરસાદ : વેરાવળમાં ૨ ઇંચ, મોડાસામાં ૨ ઇંચ, મેંદરડામાં ૨ ઇંચ, સુત્રાપાડા ૨ ઇંચ, બેચરાજીમાં ૨ ઇંચ, ઘોઘામાં પોણા ૨ ઇંચ, જેસરમાં પોણા ૨ ઇંચ, મહેસાણામાં દોઢ ઇંચ, માળીયામાં દોઢ ઇંચ, ધ્રોલમાં દોઢ ઇંચ, લીલીયામાં સવા ઇંચ, હારીજમાં સવા ઇંચ, વિસાવદરમાં સવા ઇંચ, કોટડા સાંગાણીમાં સવા ઇંચ, સરસ્વતીમાં ૧ ઇંચ, માલપુરમાં ૧ ઇંચ, પાલીતાણામાં ૧ ઇંચ, લાઠીમાં ૧ ઇંચ ખાબકયો વરસાદઃ access_time 3:04 pm IST

  • ઉદ્ધવ સરકારનો નવો ફતવો : સરકારી ઓફિસોમાં મરાઠી ભાષાનો ઉપયોગ કરો : અમલ નહીં કરનારાનો પગાર નહીં વધે : ભવિષ્યમાં નોકરીમાંથી હાથ ધોવાની પણ નોબત આવશે access_time 8:38 pm IST