Gujarati News

Gujarati News

News of Friday, 29th June 2018

આ ભમરડો સતત ર૭ કલાક સુધી ઘુમી શકે છે

આ ભમરડો ભમ્યા જ કરે છે, ભમ્યા જ કરે છે

નવી દિલ્હી તા. ર૯ :.. નાનપણમાં ગામમાં બાળકો લાકડાનો ભમરડો લઇને રમતાં. કોનો ભમરડો સૌથી વધુ વાર ભમતો રહે છે એની ચેલેન્જ લાગતી. ફિયરલેસ ટોયઝ નામની કંપનીએ રેકોર્ડબ્રેક ભમરડો બનાવ્યો છે. આ ભમરડો ભમ્યા જ કરે છે, ભમ્યા જ કરે છે. તમે જોતાં-જોતાં થાકી જાઓ, ઊંઘી જાઓ અને ઊંઘીને ઊઠીને જૂઓ તોય ભમ્યા કરે છે. લિમ્બો નામના આ ભમરડાએ પૂરા ર૭ કલાક ૯ મિનીટ ર૪ સેકન્ડ સુધી ઘુમતા રહીને ગિનેસ વર્લ્ડ રેકોર્ડસમાં પોતાનું સ્થાન બનાવી દીધું છે. લિમ્બો બહારથી દેખાવમાં સામાન્ય ભમરડા જેવો જ લાગે છે, પરંતુ એની અંદર હાઇ-ટેક મેકેનિઝમ મુકવામાં આવી છે જેને કારણે એ કલાકો સુધી ભમ્યા કરે છે. આ મેટલિક ટોયની અંદર ખાસ ફલાયવ્હીલ મોટર છે જે હાઇ-એન્ડ મોશન સેન્સર ધરાવે છે. એમાં રીચાર્જેબલ બેટરી પણ છે. એ ભમરડો ગગડીને બેલેન્સ ન ગુમાવી બેસે એ માટે ખાસ સેન્સર્સ પણ લગાવવામાં આવ્યા છે. નવાઇની વાત એ છે કે એનું કદ માત્ર ત્રણ કયુબિક સેન્ટિમીટરમાં સમાઇ જાય એવું છે અને વજન જસ્ટ ૧૬ ગ્રામ છે.

(10:12 am IST)
  • એમ.કે.ભાવનગર યુનિવર્સિટીના અધ્યાપકો દ્વારા કચ્છ યુનિવર્સિટીમાં પ્રોફે.બક્ષી ઉપર થયેલ અત્યાચાર વિરુદ્ધ રજિસ્ટ્રારને આવેદન પત્ર આપ્યું.. access_time 10:39 pm IST

  • તાલાલા તાલુકા પંચાયતમાં નવા વરાયેલા પ્રમુખે રાજીનામુ ફગાવ્યું :કોંગ્રેસ શાસિત તાલાલા તાલુકા પંચાયતના મહિલા ઉપપ્રમુખ ગીતાબેન કામળિયાનું રાજીનામું:પ્રજાલક્ષી કર્યો થતાંના હોવાનું કારણ આપીને રાજીનામુ ધરી દીધું :દસ દિવસ પૂર્વે જ થઈ હતી વરણી:કોંગ્રેસના આંતરિક અસંતોષના પગલે ભાજપ સત્તા આંચકી લે તો નવાઈ નહીં access_time 10:39 pm IST

  • ઓમાનના કુરિયાતમાં 24 કલાક સુધી ૪૨.૬ ડિગ્રી સેલ્સિયસ તાપમાન :હવામાન વિજ્ઞાનીઓનું કહેવું છે કે આ સૌથી ગરમ લઘુતમ તાપમાન છે, જે આ પહેલાં ક્યારેય નોંધાયું ન હતું:કુરિયાતના નામે દેશમાં સૌથી ગરમ દિવસનો વિક્રમ નોંધાયેલો છે.: ગયા મે ૨૦૧૭માં કુરિયાતમાં તાપમાન ૫૦.૮ ડિગ્રી સેન્ટિગ્રેડ સુધી પહોંચી ગયું હતું access_time 1:19 am IST