Gujarati News

નવી દિલ્હી: ગુરુવારના રોજ પૂર્વી અફઘાનિસ્તાનના નગરહાર પ્રાંતની રાજધાની જલાલાબાદ શહેરમાં રાષ્ટ્રીય વીજ કંપનીના કર્મચારીઓના વાહનોને નિશાન બનાવીને કરેલ એક બોંબ વિસ્ફોટમાં ત્રણ લોકોને ગંભીર રીતે ઇજા પહોંચી છે. સ્થાનિક સમાચાર એજન્સી દ્વારા મળતી માહિતી મુજબ જાણવામાં આવી રહ્યું છે કે જલાલાબાદ શહેરના પોલીસ જિલ્લા 4 માં સવારના સમયે આ વિસ્ફોટ થયો હતો. પ્રાંતીય સ્વાસ્થ્ય વિભાગના પ્રવક્તા ગુલજાદા સંગરે જણાવ્યું છે કે અન્ય 6 ઘાયલ લોકોને સારવાર અર્થે નજીકની  હોસ્પિટલમાં ખસેડવામાં આવ્યા છે. હજુ સુધી આ વિસ્ફોટની જવાબદારી કોઈ પણ સંગઠન દ્વારા લેવામાં આવી નથી. જલાલાબાદ શહેરમાં વિસ્ફોટ થયો ત્યારે સુરક્ષાબળોએ ઇસ્લામિક સ્ટેટના ત્રણ સભ્યોની ધરપકડ કરી હોવાની જાણકારી પ્રાપ્ત થઇ રહી છે.