Gujarati News

Gujarati News

News of Monday, 28th May 2018

ભારે કરી ;બ્રિટનમાં ટ્રેન રસ્તો ભૂલી ગઈ :ખોટા વળાંકને કારણે નિર્ધારિત સ્ટેશનેથી ૧૭૦ માઇલ દૂર જતી રહી !!

ફસાયેલા 200 મુસાફરો જાતે વ્યવસ્થા કરીને નિર્ધારિત સ્થળે પહોંચ્યા

લંડન :માત્ર ભારતમાં જ ટ્રેન ખોટા ટ્રેક પર દોડી જતી હોય તેવું નથી બ્રિટનમાં એક ટ્રેન રસ્તો ભૂલી જતા મુસાફરો ફસાયા હતા આ ટ્રેન ભૂલથી એક જગ્યાએ વળાંક લઇને તેને જ્યાં જવું હતું તેને બદલે ૧૭૦ માઇલ્સ દૂર જતી રહી હતી ફસાયેલા અને રાહ જોઇને થાકેલા ૨૦૦ જેટલા મુસાફરોએ અંતે જાતે વૈકલ્પિક વ્યવસ્થા કરીને નિર્ધારિત સ્થળે પહોંચવાની ફરજ પડી હતી. 

   ન્યૂકેસલથી રીડિંગ જતી આ ટ્રેન 'ગુમ' થઈ ગઇ હતી. એ પછી તેને શેફીલ્ડમાં રદ કરવામાં આવી હતી. જોકે આ ટ્રેન પોન્ટીફ્રેક્ટમાં કેમ પહોંચી નહતી તે સ્પષ્ટ નથી. પરંતુ ક્રોસકન્ટ્રીએ જણાવ્યું હતું કે ટ્રેનને અગાઉ જ ડાયવર્ઝન આપી દેવાયાને પગલે આ ભૂલ થઇ હતી. 

    એવું મનાય છે કે સર્વિસ માટે નક્કી કરાયેલા સિગ્નલિંગ પોઇન્ટ્સ ખોટા હતા, જેના કારણે ટ્રેન ખોટો વળાંક લઇ બેઠી હતી. પોન્ટેફ્રેક્ટમાં ફસાયા બાદ ટ્રેન રદ થતાં પહેલા શેફિલ્ડમાં રદ થઇ હતી. એ પછી મુસાફરોએ રીડિંગ સુધી જવા માટે વૈકલ્પિક સેવાઓનો ઉપયોગ કર્યો હતો. શેફીલ્ડથી રીડિંગ જવા માટે આશરે ત્રણ કલાક અને ૧૫ મિનિટનો સમય લાગે છે. 

    ક્રોસકન્ટ્રીના એક પ્રવક્તાએ જણાવ્યું હતું કે 'કમનસીબે, એક અગાઉની ઇવેન્ટને કારણે ડાઈવર્ટ કરવામાં આવેલી અમારી આ સર્વિસને પોન્ટીફ્રેક્ટ નજીક એક ઓપરેશનલ ખામી ઊભી હતી અને તેને કારણે તે ચાલી શકી ન હતી.'

   થોડાં વિલંબ બાદ આ ટ્રેન શેફીલ્ડ સુધી ચાલી હતી અને ત્યાં તેને રદ કરી દેવાઇ હતી. એ પછી મુસાફરોને વૈકલ્પિક સેવાઓ પર તેમની આગળની મુસાફરી કરવાની ફરજ પડી હતી. આ ઘટનાની તપાસ ચાલી રહી છે. 

(12:26 pm IST)
  • તાપમાનનો પારો સતત ઉંચો : બફારો વધ્યો : રાજકોટ સહિત સૌરાષ્ટ્ર-કચ્છમાં ધોમધખતા તાપથી જનજીવન અસ્તવ્યસ્ત access_time 4:01 pm IST

  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST

  • ભાજપના સાંસદ શત્રુઘ્નસિંહાએ મોદી સરકારના ચાર વર્ષ પુરા થવા પ્રસંગે પાર્ટીને નિશાને લીધી :શોટગને કહ્યું કે છેલ્લા ચાર વર્ષમાં ભાજપની ઉપલબ્ધી રહી છે માત્ર વાયદા વાયદા અને વધુ વાયદા કરવા : શત્રુઘ્ને ટ્વીટર પર લખ્યું કે મને એવો સવાલ પુછાઈ રહ્યો કછે કે મોદી સરકારની ચાર વર્ષની ઉપલબ્ધી શું છ? તો મારો જવાબ છે કે કામ નહીં પરંતુ માત્ર વાયદો કરવો : શત્રુઘ્નસિંહાએ કહ્યું કે તેની પાર્ટી વાયદા અને વાયદા અને માત્ર વાયદા કરવામાં સૌથી અવ્વલ નંબરની પાર્ટી બની છે. access_time 7:15 am IST