Gujarati News

Gujarati News

News of Wednesday, 27th November 2019

અઢી કિલોના શ્વાને કારને રિવર્સ ગિયરમાં મૂકી દેતાં સૌના શ્વાસ અધ્ધર થઈ ગયા

ન્યુયોર્ક,તા.૨૭:અમેરિકાના લ્યુસિયાના સ્ટેટમાં ગયા શુક્રવારે પાંચ પાઉન્ડ એટલે કે અઢી કિલો વજનના એક ચહુઆહુઆ શ્વાને એવું કામ કર્યું કે સૌના શ્વાસ અધ્ધર થઈ ગયા. સ્પોર્ટ્સ યુટિલિટી વેહિકલ (એસયુવી) કારમાંથી એની માલિક ઊતરી ત્યારે એમાં નાનકડું ચહુઆહુઆ ડોગી બેઠું હતું. અચાનક એ કાર પાછળની દિશામાં દોડવા માંડી. ચાર લેનનો હાઇવે ક્રોસ કરીને ગેસ સ્ટેશન પાસે કાર ઊભી રહી ત્યારે સૌના શ્વાસ હેઠા બેઠા હતા. કાર પાછળની દિશામાં દોડતી હતી ત્યારે એનો પીછો કરતાં-કરતાં કારની માલિક મહિલા હાંફીને ઈજા પામી હતી. હકીકતમાં કારમાં મિકેનિકલ પ્રોબ્લેમ હોવાને કારણે બ્રેક દબાવ્યા વગર ગિયર બદલાતાં હતાં. એ દ્યટના પછી પોલીસે લ્યુસિયાના સ્ટેટમાં કારમાં પાળેલાં પ્રાણીઓ મૂકીને બહાર નીકળવા બાબતે ચેતવણી બહાર પાડી હતી. પાછળની દિશામાં દોડતી કારને જોઈને ગોઝ બોલેવર્ડ પમ્પ ખાતે આશ્યર્ય સાથે અચંબો વ્યકત કરતી એની માલિક મહિલાને દર્શાવતો વિડિયો સોશ્યલ મીડિયામાં પ્રદર્શિત કરવામાં આવ્યો હતો.

(3:33 pm IST)
  • મહારાષ્ટ્રમાં શિવસેના,એનસીપી અને કોંગ્રેસના ગઠબંધનની સંખ્યા વધીને 175 થઈ access_time 7:07 pm IST

  • શિવસેના સુપ્રીમો ઉદ્ધવ ઠાકરેની મહારાષ્ટ્ર્ના મુખ્યમંત્રીપદે શપથવિધિ સમારોહમાં હાજરી આપવા કોંગ્રેસ પ્રમુખ સોનિયા ગાંધી,પશ્ચિમ બંગાળના મુખ્યમંત્રી મમતા બેનરજી ,દિલ્હીના મુખ્યમંત્રી અરવિંદ કેજરીવાલ,અને ડીએમકેના પ્રમુખ સ્ટેલીનને આમંત્રણ આપવામાં આપ્યું છે access_time 9:06 pm IST

  • અજિત પવાર વિરૂઘ્ધનો એકપણ કેસ હટાવવામાં આવ્યો નથી : અમિતભાઇ શાહની સ્પષ્ટ વાત : મીડિયા દ્વારા આ ખોટો પ્રચાર છે ,એવો એકપણ કેસ મારી પાસે લાવો જેમાં અજિત પવાર સામેલ હોય અને તે કેસ પાછો ખેંચવામાં આવ્યો હોય,હું એનો જવાબ આપીશ,સત્તાવાર રીતે કોર્ટના કારણે લેવાયેલ નિર્ણંય છે જેમાં ક્યાંય અજિત પવાર સામેલ નથી access_time 12:59 am IST