Gujarati News

Gujarati News

News of Wednesday, 27th March 2019

અમેરિકાની આ હોસ્પિટલના ડિલિવરી યુનિટમાં કામ કરતી તમામ નવેનવ નર્સ છે પ્રેગ્નન્ટ

અમેરિકાના મેન રાજયના પોર્ટલેન્ડ શહેરમાં આવેલા રાજયના સૌથી મોટા ગણાતા મેન મેડિકલ સેન્ટરે સોમવારે ફેસબુધ અકાઉન્ટ પર એક તસવીર સાથે અનોખી જાહેરાત કરી હતી. વાત એમ છે કે આ હોસ્પિટલના લેબર અને ડિલિવરી વિભાગમાં નવ નર્સ કામ કરે છે. બધી જ યંગ નર્સ છે અને જોગાનુજોગ એવો છે કે નવેનવ નર્સ હાલમાં પ્રેગ્નન્ટ છે. એપ્રિલ મહિનાથી લઇને જૂન મહિનાના અંત સુધીમાં બધાને ડિલિવરી આવે એમ છે. બીજી મહિલાઓની ડિલિવરી કરાવતી બધી જ નર્સો એક સાથે મેટરનિટી લીવ પર ઊતરી જાય એવી સંભાવના છે ત્યારે હોસ્પિટલે બધી નર્સોની રજાઓ માટે એકસ્ટ્રા સ્ટાફની ગોઠવણી બીજા ડિપાર્ટમેન્ટમાંથી કરી લીધી છે. હોસ્પિટલમાં વાતાવરણ એટલું સારું છે કે એપ્રિલ મહિનામાં જેમની ડિલિવરી છે એ નર્સો પણ કામે આવે છે અને તેમનું કહેવું છે કે એ લોકો અહીં કામ કરતાં - કરતાં જ પોતાની ડિલિવરી થઇ જાય એવું ઇચ્છે છે.

(11:52 am IST)
  • ભાજપના દિલ્હી એકમ દ્વારા લોકસભાની 7 સીટ માટે 31 સંભવિત ઉમેદવારોની યાદી તૈયાર :નવી યાદીમાં ગૌતમ ગંભીરના નામનો કરાયો સમાવેશ :રાજ્યની ભાજપની ચૂંટણી સમિતિ દ્વારા આ પહેલા બનાવેલ 21 સંભવિત ઉમેદવારોની યાદી પાર્ટી હાઇકમાન્ડે ઠુકરાવી હતી : ગૌતમ ગંભીરનું નામ નવી યાદીમાં સામેલ કરાયું છે access_time 1:21 am IST

  • જામનગરમાંથી પિત્તળનો શંકાસ્પદ જથ્થો ઝડપાયો : વિકટોરિયા પુલ પાસે ટ્રાવેલ્સમાંથી જથ્થો ઝડપી પડાયો : જથ્થો ક્યાં થી ક્યાં મોકલાતો હતો તે અંગેની પોલીસે તપાસ હાથ ધરી : શંકાસ્પદ લાગતા બ્રાસના જથ્થાના 5થી વધુ બાચકાઓ ઝડપાયા : GST ચોરી કરવાના ઇરાદે જથ્થો મોકલતા હોવાની શકયતા (તસવીર:કિંજલ કારસરીયા, જામનગર) access_time 12:06 am IST

  • રાહુલ ગાંધીની 'મીનીમમ ઈન્કમ સ્કીમ' ઉપર માયાવતીના પ્રહાર : જૂઠાણું છે !: નવી દિલ્હી : બસપા સુપ્રિમો માયાવતીએ કોંગ્રેસ પ્રમુખ રાહુલ ગાંધીની 'મીનીમમ ઈન્કમ સ્કીમ'ને સંપૂર્ણ જુઠાણું ગણાવેલ છેઃ ઉ.પ્ર.માં સપા - બસપા સાથે કોંગ્રેસે ગઠબંધન ફગાવી દેતા બહેન માયાવતી ભારે નારાજ છે : તેમણે કોંગ્રેસ ઉપર હવે ખુલ્લેઆમ પ્રહારો શરૂ કર્યા છે : તેમણે કહ્યું કે ગરીબોનો વિશ્વાસ કરવામાં, મજાક ઉડાવવામાં ભાજપ અને કોંગ્રેસ બંને એક જ ડાળીના બે ફુલ છે access_time 3:37 pm IST