Gujarati News

Gujarati News

News of Wednesday, 27th March 2019

લંડનથી જર્મની જનારી ફલાઇટ ભુલથી પહોંચી સ્કોટલેન્ડ

લંડન તા.૨૭: સોમવારે સવારે લંડન  સિટી એરપોર્ટ પરથી જર્મનીના ડસેલ્ડોફ જવા માટે શેડયુલ થયેલી બ્રિટિશ એરવેઝની ફલાઇટ ભૂલથી સ્કોટલેન્ડના એડિનબર્ગ પર જઇને લેન્ડ થઇ હતી. આવું થવાનું કારણ એ હતું કે પાઇલટ અને ક્રૂ-મેમ્બર્સને ફલાઇટનો પ્લાન જ ખોટો આપવામાં આવ્યો હતો. આ ફલાઇટ જર્મનીની બ્રિટિશ એરવેઝની સબ સિડિયરી કંપની ડબલ્યુ ડીએલ એવિયેશન દ્વારા ઓપરેટ થઇ રહી હતી. પાઇલટ અને ક્રૂ-મેમ્બર્સને એડિનબર્ગ પહોંચ્યા પછી આ વાતની ખબર પડી હતી અને આ ગરબડને સુધારવા માટે એ જ યાત્રીઓને લઇને ફલાઇટ ફરીથી ઊપડી હતી અને જર્મની તરફ પ્રયાણ કર્યું હતું. સોફિયા સાબો નામની એક પેસેન્જરે સોશ્યલ મીડિયા પર આ ઘટનાની વાત શેર કરી હતી. તેનું કહેવંુ હતું કે છેક જયારે પ્લેન લેન્ડ થઇ રહ્યું હતું ત્યારે આજુબાજુનો નજારો થોડોક અજાણ્યો અને જર્મની જેવો નહોતો દેખાતો. પ્લેનની બહાર આવતાં જ જયારે કન્ફયુઝન ક્રીએટ થયું ત્યારે ક્રુ-મેમ્બર્સે એર ટ્રાફિક કન્ટ્રોલ સાથે વાતચીત કરીને પેસેન્જરોની માફી માગી હતી અને પ્લેનમાં ઇંધણ ભરીને જર્મની જવા ફલાઇટ ફરી ઊપડી હતી.

(10:28 am IST)
  • દિલ્હીમાં 'આપ'પક્ષ સાથે જોડાણ માટે નવી ફોર્મ્યુલા તૈયારઃ દિલ્હીની લોકસભાની ૭ બેઠક માટે આપ-કોંગ્રેસ વચ્ચે મડાગાંઠ સર્જાઇ છે. કેજરીવાલનો આપ પક્ષ કોંગ્રેસને ૨ બેઠક અને પોતે ૫ બેઠક લડવાની ફોર્મ્યુલા પર મકકમ છે ત્યારે કોંગ્રેસ નવી ફોર્મ્યુલા ઉપર વિચારણા કરી રહી છે. દિલ્હીના પૂર્વ મુ.મંત્રી શીલા દિક્ષિતે આ અંગે મૌન ધારણ કર્યું છે. હવે રાહુલ ગાંધી ઉપર બધુ છોડી દેવાયું છે. access_time 11:34 am IST

  • મંગળવારે કોંગ્રેસનો ચૂંટણી ઢંઢેરો :કોંગ્રેસ અધ્યક્ષ રાહુલ ગાંધી 2જી એપ્રિલે પાર્ટીના દિલ્હી મુખ્યાલયમાં ઘોષણાપત્ર જાહેર કરશે :ઘોષણપત્રમાં અનેક મોટા વચનો આપશે access_time 1:16 am IST

  • રવિવારે સરકારી લેતીદેતી કરતી બેન્કની તમામ શાખાઓ ખુલી રહેશે :આરબીઆઇએ કર્યો આદેશ : રિઝર્વ બેંકે સર્ક્યુલર જાહેર કર્યું :સરકારી પ્રાપ્તિ અને ચુકાવણી માટે 31 માર્ચે તેના તમામ પે એન્ડ એકાઉન્ટ કાર્યાલય ખુલ્લા રહેશે access_time 1:13 am IST