Gujarati News

Gujarati News

News of Wednesday, 26th June 2019

હોંગકોંગના આ ઉદ્યોગપતિ આખી યુનિવર્સિટીના તમામ વિદ્યાર્થીઓની

પાંચ વર્ષ સુધી ફી આપશે

લંડન, તા.૨૬: હોન્ગકોન્ગ શહેરના સૌથી ધનાઢય વ્યકિત લી કા-શિંગને સ્થાનિકો સુપરમેનના હુલામણા નામે બોલાવે છે. જોકે લીભાઇએ તાજેતરમાં ખરેખર સુપરમેનનો શોભાવે એવું કામ કર્યુ છે. તેમણે શેન્તો યુનિવર્સિટીના તમામ સ્ટુડન્ટસની ફી પોતે ભરવાનું નકકી કર્યુ છે. એ પણ માત્ર એક વર્ષ માટે નહીં, આગામી પાંચ વર્ષ માટે તેઓ આમ કરશે. તમામ વિદ્યાર્થીઓની એક વર્ષની કુલ ફી લગભગ ૯૯ કરોડ રૂપિયા જેટલી થાય છે. 'ફોર્બ્સ' મેગેઝિન અનુસાર લી કા-શિંગ હોન્ગકોન્ગના સૌથી ધનાઢય વ્યકિત છે. લીભાઇ હવે ૯૦ વર્ષના થઇ ચૂકયા છે અને તેમણે સ્થાપેલું ફાઉન્ડેશન આ યુનિવર્સિટીના ખાસ વર્ગના તમામ છાત્રોની ટયુશન-ફીની ભરપાઇ કરવાનું છે. લીનું માનવું છે કે એમ કરવાથી કદાચ સેંકડો પરિવારો પરનો આર્થિક બોજ ઘટશે અને વિદ્યાર્થીઓ નચિંત થઇને ભણવામાં મન પરોવી શકશે.

(1:11 pm IST)
  • નરેન્દ્રભાઇ આવતીકાલથી ત્રણ દિવસ જાપાનના પ્રવાશે : G-20 શિખર સંમેલનમાં પીએમ મોદી આપશે હાજરીઃ ૨૭ થી ૨૯ જુન સુધી જાપાનના ઓસાકામાં યોજાશેઃ સંમેલન અમેરીકાના ડોનાલ્ટ્ર ટ્રમ્પ સાથે મુલાકાત કરશેઃ રશીયા, ચીનના રાષ્ટ્રપતિ સાથે પણ મુલાકાત કરશે નરેન્દ્રભાઇ access_time 1:09 pm IST

  • સાબરકાંઠાના અરવલ્લીના પશુપાલકો માટે સારા સમાચાર : ગાયના દુધના ભાવમાં કિલો ફેટે રૂ.૨૦નો વધારો : ભેસના દુધના ભાવમાં કિલો ફેટે રૂ.૩૦નો વધારો : સાબરડેરીએ દુધના ભાવમાં વધારો કર્યો access_time 1:08 pm IST

  • રાજયમાં જાહેર થયેલી સ્થાનીક સ્વરાજયની ચુંટણી અંગે મુખ્યમંત્રીના નિવાસ સ્થાને સાંજે ૬ વાગે પાર્લામેન્ટ્રી બેઠક : ગાંધીનગરમાં ભાજપની પ્રદેશ પાલામેન્ટ્રી બોર્ડની બેઠકઃ જુનાગઢ, ગાંધીનગર મનપાની ચૂંટણી અંગે કરાશે ચર્ચાઃ જીલ્લા પંચાયતની પાંચ બેઠક, તા.પં.ની ૫ાંચ બેઠક અંગે ચર્ચા : સીએમ રૂપાણી, જીતુભાઇ વાઘાણી સહિતના હાજર રહેશેઃ સીએમ રૂપાણીના અધ્યક્ષ સ્થાને કેબીનેટની બેઠક access_time 1:08 pm IST