Gujarati News

નવી દિલ્હી: ચિની વૈજ્ઞાનિકોએ એક કમાલ કરી છે અને માનવ જેવી આંખનું નિર્માણ કર્યું છે. જો કે, હાલમાં આ કૃત્રિમ આંખ રોબોટને દ્રષ્ટિ પ્રદાન કરનાર છે. ચિની વૈજ્ઞાનિકોએ બનાવેલી આ આંખ માનવ આંખથી ઘણી મળતી આવે છે. શોધકર્તાઓનો દાવો છે કે ભવિષ્યમાં નેત્રહિન લોકો પણ આ આંખની મદદથી જોઇ શકશે.

                  ઇસી-આઈ નામની આ કૃત્રિમ આંખનું નિર્માણ હોંગકોંગ યુનિવર્સિટી ઓફ સાયન્સ એન્ડ ટેકનોલોજીના શોધકર્તાઓએ કર્યું છે. શોધકર્તાઓનાં જણાવ્યા મુજબ હાલમાં આ આંખથી રોબોટ વધુ સારી રીતે જોઇ શકશે. વર્તમાનમાં રોબોટમાં ઉપયોગમાં લેવાતી કેમેરા આધારીત આંખોમાં પણ વધુ સુધારા માટે કાર્ય કરાઈ રહ્યું છે. ઉલ્લેખનીય છે કે આ કૃત્રિમ આંખ માનવ આઈ રેસ અને રેટીનાની જેમ જ કામ કરે છે. પ્રકાશને કેન્દ્રીત કરવા માટે લેન્સનો ઉપયોગ કરે છે અને જાણકારી મગજ સુધી પહોંચાડે છે.