Gujarati News

કલીવલેન્ડ તા. રપઃ અમેરિકાના મિશેલ બેલેઉ અને રોન પીટરસન નામના યુગલે કલીવલેન્ડ હોપ્કિન્સ ઇન્ટરનેશનલ એરપોર્ટ પર લગ્ન કર્યાં હતાં. કપલનું કહેવું છે કે તેમની પહેલી મુલાકાત આ જ એરપોર્ટ પર થયેલી એટલે તેમણે લગ્નની વિધિ પણ અહીં જ કરવાનું નકકી કર્યું હતું. બાર વર્ષ પહેલાં મિશેલના બોસે તેના કલાયન્ટ રોનને લેવા માટે તેને એરપોર્ટ મોકલી હતી. પ્રોફેશનલ મુલાકાત હોવા છતાં બન્ને પહેલી જ નજરે પ્રેમમાં પડી ગયા. એ પછી બન્ને લોસ એન્જલસમાં કામ કરવા લાગ્યાં અને તેમની દોસ્તી પાંગરી. બાર વર્ષના પ્રેમ પછી તેમણે લગ્ન કર્યા હતા અને આ માટે તેમણે એેરપોર્ટ ઓથોરિટી પાસેથી પરવાનગી પણ માગી હતી. એરપોર્ટના લગેજ નંબર ૬ પાસે તેઓ પહેલી વાર મળ્યા હતા ત્યાં જ લગ્નનાં વચનોની આપ-લે કરવાની પરવાનગી એરપોર્ટ ઓથોરીટી દ્વારા તેમણે મેળવી લીધી હતી. અહીં ૧ર૦ મહેમાનોની હાજરીમાં તેઓ લગ્ન થયાં હતાં.