Gujarati News

Gujarati News

News of Sunday, 25th February 2018

સીરિયાના ઘોઉટામાં પાંચ દિવસમાં 1146 હુમલા :500થી વધુના મોત :2116 લોકો ઘાયલ

આકાશમાં હાલના દિવસોમાં યુદ્ધવિમાનો, મિસાઈલો અને બોમ્બમારાના ધુમાડા જ દેખાઈ છે

સીરિયાના ઘોઉટા શહેર પર છેલ્લા પાંચ દિવસમાં 1146 હુમલા કરાયા છે. ચાર વર્ષથી ઘોઉટા શહેરની સીરિયન સેના દ્વારા ઘેરાબંધી કરાઈ છે. સીરિયા ગત સાત વર્ષથી ગૃહયુદ્ધની આગમાં સળગી રહ્યું છે. ઘોઉટા શહેર બળવાખોરોનો આખરી ગઢ છે.સીરિયાના આકાશમાં હાલના દિવસોમાં યુદ્ધવિમાનો, મિસાઈલો અને બોમ્બમારાના ધુમાડા જ દેખાઈ રહ્યા છે

  બળવાખોરો વિરુદ્ધ રશિયા અને રાષ્ટ્રપ્રમુખ બશર અલ અસદની સેનાઓએ અભિયાન હાથ ધર્યું છે. સીરિયાની રાજધાની દમિશ્કની પાસે આવેલા ઘોઉટામાં બોમ્બમારો અને હુમલામાં ગત પાંચ દિવસોમાં 500થી વધારે લોકોના મોત નીપજ્યા છે. તેમા બાળકો અને મહિલાઓ પણ મોટી સંખ્યામાં છે. તેની સાથે જ 2116 જેટલા લોકો ઘાયલ થયા છે. સારવારની અપુરતી વ્યવસ્થાને કારણે ઘાયલો જીવ ગુમાવી રહ્યા છે. તેને જોતા સંયુક્ત રાષ્ટ્રે ત્રીસ દિવસ સુધી હુમલાને રોકવાનું જણાવ્યું છે. પરંતુ રશિયાએ આમ કરવાનો હાલ ઈન્કાર કર્યો છે.

(7:52 pm IST)
  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST

  • કેન્દ્રીય માનવ સંશાધન વિકાસમંત્રી પ્રકાશ જાવડેકરે શાળાના બાળકોને રાહત આપતા જણાવ્યુ છે કે, ૨૦૧૯ના શૈક્ષણિક વર્ષથી એનસીઈઆરટીના અભ્યાસક્રમમાં ૫૦ ટકા સુધીનો ઘટાડો કરવામાં આવશે. તેમણે જણાવ્યુ હતું કે અત્યારે શાળાઓનો અભ્યાસક્રમ બીએ અને બીકોમ કરતા પણ વધુ છે. જેના કારણે વિદ્યાર્થીઓ પર દબાણ સર્જાય છે. જેથી અમે આ અભ્યાસક્રમમાં ૫૦ ટકા સુધીનો ઘટાડો કરીશું, જેથી વિદ્યાર્થીઓને પોતાના સર્વાંગી વિકાસ માટે સમય મળી રહે. access_time 10:47 am IST

  • મેઘાલયમાં ચૂંટણીના પ્રચાર પડઘમ બંધ :મંગળવારે મતદાન :3જી માર્ચે મતગણતરી :ભાજપ અને કોંગ્રેસ વચ્ચે સીધો મુકાબલો :60 પૈકી 59 બેઠકો માટે થશે મતદાન :ચૂંટણી પંચ દ્વારા તમામ તૈયારીઓ પૂર્ણ access_time 11:27 pm IST