Gujarati News

Gujarati News

News of Wednesday, 24th April 2019

સતત સાતમીવાર હેપીનેસ ઈન્ડેકસમાં ટોપ થ્રીમાં આવ્યો ડેનમાર્ક...

અમેરિકાની ખુશી ઈન્ડેકસમાં ૪ સ્ટેપ પાછા આવીને ૧૮ નંબર પર પહોંચ્યા છે

નવી દિલ્હી, તા.૨૪: ૨૦૧૮ના વર્લ્ડ હેપીનેસ રિપોર્ટમાં ડેનમાર્કને ૧૫૫ દેશોમાંથી ટોપ ૩માં સ્થાન મળ્યું છે. ડેનમાર્કે છેલ્લા સાત વર્ષથી પોતાની આ સ્થિતિ બનાવી રાખી છે. તો બીજી અને અમેરિકાની ખુશી ઈન્ડેકસમાં ૪ સ્ટેપ પાછા આવીને ૧૮ નંબર પર પહોંચ્યા છે. તો આ રહી એવી વાતો કે જે ડેનમાર્કને દુનિયાના સૌથી ખુશ દેશોમાંથી એક બનાવે છે.

૨૦૧૮ના વર્લ્ડ હેપીનેસ રિપોર્ટમાં પણ ડેનમાર્ક પહેલા ત્રણ દેશોમાં શામેલ રહ્યો છે. ડેનમાર્કે સતત સાતમા વર્ષે આ કામ કર્યું છે. એવામાં એ જાણવાની ઈચ્છા થાય કે આ સ્કૈડેનેવિયાઈ દેશમાં એવું શું ખાસ છે કે અહીંના લોકો હંમેશા ખુશ રહે છે. મોટાભાગના વિશેષજ્ઞો એ માને છે કે આની પાછળ તેમની સાંસ્કૃતિક બનાવટ હૂગાનું યોગદાન છે.

હૂગા શબ્દને માત્ર બે વર્ષ પહેલાં જ ૨૦૧૭જ્રાક્નત્ન ઓકસફોર્ડની ડિકશનરીમાં શામેલ કરવામાં આવ્યો. સીધો જ અનુવાદ કરીએ તો આનો અર્થ આરામદાયક થાય છે. હકીકતમાં આ એક એવો શબ્દ છે જેને અલગઅલગ પ્રસંગે અલગઅલગ વિચારોથી ઉપયોગ કરવામાં આવે છે. એટલે આનો અર્થ એક આત્મીયતા અને સંતોષવાળો માહોલ બનાવવાનો છે.

હૂગા એક એવી સાંજ હોય છે કે જે કોઈ પોતાને પ્રેમ કરનારા હ્યદયસ્થ લોકો સાથે ગુજારવામાં આવી હોય. આ એક સામાન્ય દિવસની પિકનિક હોઈ શકે છે. કોઈ મિત્ર સાથે પીધેલી કોફી હોઈ શકે છે. કોઈ ઠંડકના દિવસોમાં કોઈની સાથે બેસવાનો હોઈ શકે છે. જો કે કન્વર્સેશન નામની વેબસાઈટ અનુસાર હૂગા પર કરવામાં આવેલા રિસર્ચમાં જાણવા મળ્યું છે કે ડેનમાર્કમાં આને લોકોના સ્વસ્થ અને સારા રહેવાની સાથે જોડીને જોવામાં આવે છે.

જો કે હુગા સ્વસ્થ અને સારા રહેવાના માહોલમાં એક મહત્વપૂર્ણ રોલ નિભાવે છે. તણાવને દૂર કરે છે અને લોકોને ખુશ રાખે છે પરંતુ આ જ એકમાત્ર કારણ નથી કે જેને લઈને ડેનમાર્કના લોકો દુનિયાના સૌથી ખુશ લોકો પૈકી એક છે.

ડેનમાર્કમાં લોકોની મોટાભાગની સમસ્યાઓનું નિવારણ સરકાર કરે છે. ડેનમાર્કમાં લોકોને મફતમાં શિક્ષણ અને સ્વાસ્થ્ય સુવિધાઓ મળે છે. ત્યાંની પેન્શન સિસ્ટમને દુનિયાની સૌથી સારી પેન્શન સિસ્ટમ પૈકી એક માનવામાં આવે છે. જો કે આ દેશનો ટેકસ રેટ દુનિયાના સૌથી વધારે ટેકસ રેટવાળા દેશો પૈકી એક છે પરંતુ અહીંના લોકો વિશ્વાસ કરે છે કે વધારે ટેકસ, દેશને એક ઉત્કૃષ્ટ સમાજ બનાવી શકે છે. એટલા માટે તેઓ વધારે ટેકસ પણ ખુશીખુશી ચૂકવે છે.

ત્યારે ડેનમાર્કના લોકો પાસે ચિંતા કરવા માટે ખૂબ ઓછી વસ્તુઓ છે અને તેમના માટે ખુશ રહેવું તે એક સરળ કામ છે.

(9:48 am IST)
  • પ્રજ્ઞા ઠાકુરને ચુંટણી લડતા રોકવા માટેની માગણી એનઆઇએ કોર્ટે ફગાવી દીધી : ભોપાલથી ભાજપના ઉમેદવાર access_time 3:41 pm IST

  • CBIએ ભૂષણ સ્ટીલના ચેરમેન સંજય સિંઘલ અને તેમના પત્ની આરતી સિંઘલ સામે દેશના દરેક એરપોર્ટ પર લુકઆઉટ સર્ક્યુલર જાહેર કર્યું છે : CBIને સંદેહ છે તેઓ બન્ને દેશ છોડીને ભાગી જવાની પેરવીમાં છે. access_time 9:20 pm IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST