Gujarati News

Gujarati News

News of Saturday, 23rd May 2020

બ્રાઝિલમાં કોરોનાનો કહેર:સૌથી વધુ કેસ ધરાવવામાં વિશ્વમાં બીજા નંબરે આવ્યું

નવી દિલ્હી: વૈશ્વિક કોરોના મહામારી દુનિયાભરના દેશોમાં તેની ચરમસીમા પર પહોંચી ગઇ છે. ઘણા દેશો કોરોના સંક્રમણને ફેલાવાને રોકવામાં અસમર્થ સાબિત થઇ રહ્યા છે. એવામાં બ્રાઝિલમાં કોરોના સંક્રમણના કેસોમાં ભારે ઉછાળો નોંધાયો છે, અહીં કુલ 3,30,890 કેસો સામે આવ્યા છે. જેના લીધે તે વિશ્વનો બીજો સૌથી વધારે કેસ ધરાવતો દેશ બની ગયો છે.

કોરોના મહામારીથી સૌથી વધુ પ્રભાવિત દેશ અમેરિકા છે. જે પછી રશિયા હતું, પરંતુ બ્રાઝિલમાં વધી રહેલા કોરોના સંક્રમણનું પ્રમાણ એટલુ વધારે છે કે ત્યાં કોરોના સંક્રમણના કેસો સતત વધી રહ્યા છે. જોન્સ હોપકિન્સ યૂનિવર્સિટી મુજબ દુનિયામાં કોરોના સંક્રમણના વધુ કેસો ધરાવતો બ્રાઝિલ હવે બીજો દેશ છે.

(6:14 pm IST)
  • દાદરા નગર હવેલીના સેલવાસમાં કોરોના પોઝિટિવ કેસ :મુંબઈથી સેલવાસ આવેલ એક પરિવારની ત્રણ મહિનાની બાળકીનો કોરોના રિપોર્ટ પોઝિટિવ :સેલવાસ આરોગ્ય વિભાગે માતા અને બાળકી બંનેને અલગ અલગ આઇસોલેટ કર્યા :સંક્રમણ ફેલાતું અટકવવા તંત્રની કામગીરી access_time 9:46 pm IST

  • ૪થી જુન આસપાસ કેરળમાં જોરદાર ચોમાસુ બેસી જશેઃ ઇન્ડિયન મોન્સુનના ખાનગી ટવીટર હેન્ડલ ઉપર કહ્યું છે કે તમામ મોડલો એવો નિર્દેશ આપે છે કે ૪થી જુન આસપાસ કેરાલા ઉપર જોરદાર ચોમાસુ બેસી જશે. અરબી સમુદ્રમાં ડીપ્રેશન-હવાનું દબાણ સર્જાય તેવી શકયતા છે જે યમન તરફ આગળ વધી જવા સંભાવના છે જો કે તેને લીધે કેરળમાં વરસાદ આવશે access_time 10:26 am IST

  • ભારતમાં કોરોનાએ ફૂફાડો ફેલાવ્યો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6523 કેસ વધ્યા : રાત્રે 12 વાગ્યા સુધીમાં દેશમાં કોરોનાના 1,24,747 કેસ નોંધાયા : 69,207 એક્ટિવ કેસ : 51,807 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3726 થયો :મહારાષ્ટ્રમાં સૌથી વધુ નવા 2940 કેસ અને તામિલનાડુમાં 786 કેસ વધ્યા :દિલ્હીમાં 660 નવા કેસ નોંધાયા access_time 12:45 am IST