Gujarati News

Gujarati News

News of Saturday, 23rd May 2020

ધંધામાં ટકી રહેવા માટે રેસ્ટોરાં હવે હેન્ડસમ અને અટ્રેકિટવ ડિલિવરીમેન રાખી રહ્યા છે

બેંગકોક તા. ર૩ : લોકડાઉનમાં હોટેલ્સ અને રેસ્ટોરાંને ઘણું નુકસાન થઇ રહ્યું છે ત્યારે થાઇલેન્ડના બેન્ગકોકની એક રેસ્ટોરાંએ ધંધામાં ટકી રહેવા માટે નવી તરકીબ શોધી લીધી છે. આમ તો લોકો એ રીતને શોભાસ્પદ ગણતા નથી, પરંતુ રેસ્ટોરાંના માલિકોએ એ રસ્તો અપનાવ્યો છે. થાઇલેન્ડના લાત ફરાઓ વિસ્તારની ૭૬ ગેરેજ નામની રેસ્ટોરાંમાં બહારથી જે ફુડ-ઓર્ડર આપવામાં આવે એની ડિલિવરી માટે જિગોલો જેવા કહી શકાય એવા અને કસાયેલી શરીર ધરાવતા તરવરિયા જુવાનિયાઓઅને નોકરીમાં રાખ્યા છે. પાંચ કિલોમીટર સુધીના વિસ્તારમાંં ૯૦૦ રૂપિયા અથવા એથી વધારે કિંમતના ફુડ-ઓર્ડરની ડિલિવરી માટે મહિલાઓ ફિદા થઇ જાય એવા મસલમેન રાખ્યા છે. બોડી બિલ્ડર જેવા જણાતા ડિલિવરી બોયઝની સાથે લોકો સેલ્ફી લે છે અને અન્યો પાસે ફોટો પડાવેછે. શર્ટના બટન ખોલીને લલચામણા સેકસી લુક સાથેના ડિલિવરી બોયઝના ફોટો સોશ્યલ મીડિયા પર ફરતા થયા છે. રેસ્ટોરાંની આ પદ્ધતિ વિવાદનો વિષય તો બની જ છે. સેકસી ડિલિવરી બોઝયને કારણે ફકત મહિલાઓ ૭૬ ગેરેજ રેસ્ટોરાંને વધારે ઓર્ડર આપે છે કે પછી દરેક ઉંમરના નર-નારી, નાન્યતર બધા ઓર્ડર આપે છે એ સ્પષ્ટ થયું નથી, પરંતુ એકંદરે રેસ્ટોરાંનો બિઝનેસ નોંધપાત્ર પ્રમાણમાં વધ્યો છે. એ ડિલિવરી બોયઝને સારી રકમની ટિપ્સ મળે છે અને એ જુવાનિયાઓ મીઠી વાતો કરીને રેસ્ટોરાંના કાયમી ગ્રાહકોની સંખ્યા પણ વધારે છે. ૭૬ ગેરેજ રેસ્ટોરાંના ફેસબુક-પેજ પર એના સ્ટાફર્સના લાઇવ વિડીયો પણ પોસ્ટ કરવામાં આવે છે.

(2:39 pm IST)
  • અમરેલી લોકડાઉનમાં ખેડૂતોએ અપનાવ્યો નવતર પ્રયોગ: કોરોનાથી અને કાળજાળ ગરમીથી બચવા અભરામ પરાના ખેડૂતે બનાવ્યો 15 ફૂટ ઊંચો માચડો :કોરોના અને કાળ જાળ ગરમીથી બચવાનો કમલ નસિતનો નવતર પ્રયોગ access_time 10:24 pm IST

  • 'અંફાન' વાવાઝોડાએ સર્જેલ ખાનાખરાબીનું નિરીક્ષણ અને કયાસ કાઢવા વડાપ્રધાન શ્રી નરેન્દ્રભાઈ મોદી આજે ઓડીશા પહોંચ્યા હતા. મુખ્યમંત્રી નીતિશકુમારે તેમને આવકારેલ અને નિરીક્ષણ માટે સાથે રવાના થયેલ. access_time 11:12 am IST

  • અમદાવાદ કન્ટ્રોલરૂમના ૮ પોલીસ કર્મચારીને એકસાથે કોરોના વળગ્યો : પોલીસ માટે ચોંકાવનારા અહેવાલો : શહેર પોલીસ કમિશ્નર કચેરીમાં ચિંતાની લાગણી પ્રસરી : એક જ શિફટમાં આ આઠે આઠ પોલીસો કામ કરતા હતા access_time 12:39 pm IST