Gujarati News

અમેરિકાના મિનેસોટામાં રહેતા એન્ડી સ્ટેઇન્ફેલ્ડ નામના સિનિયર સિટિઝને પેટના સ્નાયુઓની કસોટી કરતો પ્લેન્ક પોઝ રેકોર્ડબ્રેક સમય સુધી હોન્ડ કરીને નવો રેકોર્ડ પોતાના નામે કરી લીધો છે. આ પહેલાંનો પ્લેન્કનો રેકોર્ડ ૩૬ મિનિટ ૫૮ સેકન્ડનો હતો, જ્યારે એન્ડીએ ૩૮ મિનિટ સુધી પ્લેન્ક કરીને એને તોડ્યો હતો. આ રેકોર્ડ એટલા માટે પણ ખાસ હતો કેમ કે તેમને થોડાક સમય પહેલાં જ પ્રોસ્ટેટ કેન્સરનું નિદાન થયેલું. એ માટેની રેડિયેશન થેરપી પુરી કરીને એન્ડીએ આ પરાક્રમ કર્યુ હતું. એન્ડીનું કહેવું હતુ કે આ વિક્રમ થકી હું એ સંદેશો આપવા માગું છું કે ૭૧ વર્ષની વય અને કેન્સર જેવા વિકરાળ રોગનો સામનો કર્યા પછી પણ જો પોઝિટિવ અભિગમ જાળવો તો કંઇ પણ થઇ શકે છે.