Gujarati News

Gujarati News

News of Saturday, 23rd March 2019

ઇરાકમાં સાવ નાક વિનાનું બાળક જન્મ્યું, મોં ખોલીને જ શ્વાસ લે છે

બગદાદ તા.૨૩: ઇરાકની રાજધાની બગદાદથી લગભગ ૬૪ કિલોમીટર દૂર ફલુજા ગામમાં એક બાળક જન્મ્યું છે જેના ચહેરા પર નાકનું કાણું જ નથી. ચહેરા પર બે આંખો, બે કાન અને મોં જ છે. નાક અને નસકોરાં છે જ નહીં. એમ છતાં આ બાળક જીવી રહ્યું છે મોંથી શ્વાસ લેવાને કારણે અર્હિનિયા નામની અત્યંત રેર કન્ડિશનથી આ બાળક પીડાય છે. નાક જ ન હોય એવુ જિનેટિકલ ગરબડને આ બાળક પીડાય છે. નાક જ ન હોય એવું જિનેટિકલ ગરબડને કારણે થઇ શકે છે અને અત્યાર સુધીમાં મેડિકલ હિસ્ટરીમાં નાક વિના જન્મ્યાં હોય એવાં બાળકોના કેસ ૧૦૦ થીયે ઓછા હોવાનું નોંધાયુ છે. ફલુજા એ ગામ છે જ્યાં હજી દાયકા પહેલાં યુદ્ધગ્રસ્ત સ્થિતિ હતી. યુદ્ધ દરમ્યાન યુરેનિયમ ધાતુના વિસ્ફોટકો અહીં વપરાયા હતા. આ વિસ્તારમાં કામ કરતી એક સ્વૈચ્છિક સંસ્થાનું કહેવું છે કે યુદ્ધ બાદ ફલુજા અને એની આસપાસના ગામોમાં જન્મજાત ખોડખાંપણ સાથે જન્મતાં બાળકોની સંખ્યા વધી ગઇ છે. સંસ્થાના દાવા મુજબ અહીં જન્મતાં ૧૫ ટકા બાળકોમાં શારિરીક ખોડખાંપણો જન્મથી જ જોવા મળે છે. જોકે યુદ્ધમાં વપરાયેલા કેમિકલ્સ અને જન્મજાત તકલીફો વચ્ચેના સંબંધ પર વૈજ્ઞાનિકોએ મહોર નથી લગાવી.

(3:44 pm IST)
  • ખુમાનસિંહ ચૌહાણની કોંગ્રેસમાં વાપસી દેશનો યુવાન લાલચમાં ફસાયો છે મનદુઃખ થતા કોંગ્રેસ છોડી હતી : દેશની લોકશાહી અત્યારે ખતરામાં છેઃ કોંગ્રેસમાં ઘરવાપસી પર આનંદ છે : એજન્સીઓનો મોટો દુરૂપયોગ : કોંગ્રેસમાં ફરી પૂર્વવત સક્રિય થશે : ખુમાનસિંહ ચૌહાણ સાવલી - વડોદરાના છે access_time 5:32 pm IST

  • ઉમા ભારતી ચૂંટણી નહિં લડે : કેન્દ્રીય કેબીનેટ મંત્રી ઉમા ભારતીએ અમિત શાહને પત્ર લખી જણાવ્યંુ દોઢ વર્ષ સુધી ચૂંટણી નહિં લડે : પક્ષ આ પ્રસ્તાવનો સ્વીકાર કરે તેવી માંગ તેઓએ ઉઠાવી : સંગઠન માટે કામ કરવા તત્પરતા બતાવી access_time 5:31 pm IST

  • વડાપ્રધાન નરેન્દ્રભાઈ મોદી કર્ણાટકની દક્ષિણ બેંગાલુરૂની બેઠક ઉપરથી પણ ચૂંટણી લડશે તેવા સંકેતો ભાજપ હાઈ કમાંડે આપ્યાનું જાહેર થયું છે : ભાજપના ચૂંટણી ઇન્ચાર્જ ડો. મુરલીધર રાવે કર્ણાટક ભાજપ નેતાઓને જરૂરી તૈયારીઓ માટે એલર્ટ કરી દીધાનું જાહેર થયું છે : નરેન્દ્રભાઈ તેમની પરંપરાગત વારાણસીની બેઠક ઉપરાંત હવે બીજી બેઠક દક્ષિણ ભારતમાંથી લડશે એવું સ્પષ્ટ થઈ રહ્યું છે : આ પહેલાની ચૂંટણી નરેન્દ્રભાઈ વારાણસી ઉપરાંત બરોડાથી લડયા હતા અને રેકર્ડબ્રેક માર્જિનથી ચૂંટાયા હતા : આઆ વખતે નરેન્દ્રભાઈ રાજકોટથી લડશે તેવી પણ ભારે ચર્ચા હતી access_time 12:58 am IST