Gujarati News

Gujarati News

News of Friday, 23rd March 2018

કિડની સાજીસમી રાખવી હોય તો સૂર્યનો તડકો વધુ લો

બાર્સેલોના તા.ર૩ : સુર્યનો તડકો ચોક્કસ માત્રામાં શરીરને મળતો રહે તો ત્વચા એમાંથી વિટામિન ડી બનાવી શકે છે. આ ક્રિયા કિડનીના સ્વસ્થ્ય માટે પણ જરૂરી છે. ઉંમરને કારણે કિડનીની કાર્યક્ષમતા ધીમે ધીમે ખોરવાય નહીં અથવા તો ખુબ નાની ઉંમરે જ ક્રોનિક કિડની ડિસીઝની શરૂઆત ન થઇ જાય એ માટે શરીરની રોજિંદી જરૂરીયાત મુજબનું વિટામીન ડી મળે એ જરૂરી છે. સ્પેનના નિષ્ણાંતોનું કહેવું છે કે, વિટામીન ડી ની ઉણપ બાળકોમાં ક્રોનિક કિડની ડિસીઝનું જોખમ વધારે છે. આ સમસ્યા શરૂઆતમાં એકદમ સાઇલન્ટ હોય છે, જે અચાનક જ વકરીને કિડની ફેલ્યરની નોબ નોતરી શકે છે. રિસર્ચરોએ ૧ર યુરોપિયન દેશોમાં ક્રોનિક કિડની ડિસીઝ ધરાવતા ૭પ૯ બાળકોનો અભ્યાસ કર્યો હતો. તેમનું કહેવું છે કે આ વિટામીનની ઉણપને કારણે શરીરમાંથી ટોકિસન દ્રવ્યોને બહાર ફેંકવાની ક્ષમતા ઘટે છે. એની કમી હાડકા નબળાં  પડવાની, કેન્સરનું જોખમ વધવાની અને રકતવાહિનીઓએ લગતી સમસ્યાઓને વેગ આપે છે. અમેરિકન સોસાયટી ફોર નેફ્રોલોજીની જર્નલમાં નોંધાયું છે કે, બાળપણમાં અને ખાસ કરીને શિયાળાના દિવસોમાં વિટામીન ડીની કમી વધુ થાય છે. જે નબળી કિડની ધરાવતાં બાળકો માટે  જોખમી ગાળો બની જાય છે.

(11:55 am IST)
  • આખરે અમેરિકી રાષ્ટ્રપતિ ટ્રમ્પએ 'નાખુશ' હોવા છતાં, કોંગ્રેસ દ્વારા પાસ કરાયેલ 1.3 ટ્રિલિયનના સરકારી ખર્ચનાં બીલ પર હસ્તક્ષર કરી પાસ કર્યું : ફરી એકવાર અમેરિકી 'શટડાઉન' નું સંકટ ટળ્યું : આ પહેલ વ્હાઈટ હાઉસના સુત્રોએ જણાવ્યું હતું કે રાષ્ટ્રપતિ ટ્રમ્પ આ બીલ પર તેમના હસ્તાક્ષર કરશે, પણ પછી તરતજ ફેરવી તોડ્યું હતું અને ફરી જણાવ્યું હતું કે ટ્રમ્પ આ બીલ પર 'વીટો' વાપરશે : આ પાસ કરાયેલા કાયદામાં સમાવિષ્ટ ઇમિગ્રેશન દરખાસ્તો વિશે ટ્રમ્પને ખુબજ નારાજગી છે : તેમણે આ બીલ પાસ કરતા કોંગ્રેસને ટકોર પણ કરી હતી કે તેઓ ભવિષ્યમાં ફરી પાછા આવા કોઈ પણ 'વાહિયાત' બીલ ને પાસ કરવાની સંમતી નહી આપે. access_time 2:28 am IST

  • રામલીલા મેદાન પરથી અણ્ણા હઝારેએ કર્યો હુંકાર - "આ વખતે ખાલી મોઢાંની વાતોથી નહી તોડું ભૂખ હડતાળ, સરકારે નક્કર નિર્ણયો લેવા પડશે." : કૃષિ અંગે સ્વામિનાથન કમિશનના અહેવાલને લાગુ કરવા ઉપરાંત રાજ્યોમાં લોકપાલ અને લોકાયુક્તની નિમણૂકની માંગણી સાથે ભૂખ હડતાળ પર બેઠા છે અણ્ણા હઝારે access_time 2:12 pm IST

  • માનવ રોબોટ સોફિયાએ જણાવ્યુ હતુ કે, તે હવે માઉન્ટ એવરેસ્ટ સર કરશે. આ સાથે એવરેસ્ટ સર કરનાર તે પ્રથમ રોબટ બની જશે. રોબોટ સોફિયાએ કાઠમંડૂમાં સંયુક્ત રાષ્ટ્ર વિકાસ કાર્યક્રમ દ્વારા આયોજીત એક કાર્યક્રમમાં આ પ્રમાણે બોલી હતી. જો કે તે ક્યારે એવરેસ્ટ સર કરશે તેના વિશે કોઈ જાણકારી આપી નહોતી. access_time 1:43 am IST