Gujarati News

Gujarati News

News of Tuesday, 23rd February 2021

અમેરિકામાં કોરોના સંક્ર્મણમાં મૃત્યુ પામનાર લોકો માટે દેશમાં 5 દિવસનો રાષ્ટ્રીય શોક જાહેર કરવામાં આવ્યો

નવી દિલ્હી: અમેરિકામાં કોરોના સંક્રમણ પાછળ હટવાનું નામ લેતો નથી અને અહી કોરોનાથી મૃત્યુની સંખ્યા પાંચ લાખ ઉપર જતા અમેરિકાના ઈતિહાસમાં કોઈપણ યુદ્ધમાં કુલ જેટલા લોકો મર્યા નથી તેટલા મૃત્યુ ફકત કોરોનામાં જ થયા છે. બીજા વિશ્વયુદ્ધમાં અમેરિકાએ 4.05 લાખ સૈનિકોની ખુવારી સહન કરવી પડી હતી. વિયેતનામ યુધ્ધમાં 58000 અને કોરીયાઈ યુદ્ધમાં 36000 સૈનિકોના જીવન ગુમાવ્યા હતા અને હવે પાંચ લાખથી વધુ લોકો માર્યા જતા અમેરિકાના મીલોરી કેસાસ સીટી જેટલી વસતી એકલા કોરોનામાં ગુમાવી છે.

       અમેરિકાની જોન્સ હેપકીન્સ યુનિ.ના અભ્યાસ મુજબ અત્યાર સુધીમાં કોરોનાથી જે મૃત્યુ થયા છે તે 2019માં અમેરિકામાં શ્વાસની કે પછી પક્ષઘાત- ન્યુમોનીયા વિ. બિમારીથી થતા મોતથી વધુ છે. 1918માં અમેરિકામાં ઈન્ફલુએન્ઝા બાદ 102 વર્ષમાં આટલા લોકોના મૃત્યુ થયા નથી. અમેરિકી સરકારે પાંચ લાખના મૃત્યુ થતા દેશમાં રાષ્ટ્રધ્વજ અડધી કાઠીએ ફરકાવ્યો હતો અને પાંચ દિવસ સુધી રાષ્ટ્રધ્વજ અડધી કાઠીએ રહેશે. પ્રમુખ જો બાઈડને વ્હાઈટ હાઉસમાં ગઈકાલે બે મીનીટનું મૌન જાળવ્યું હતું અને હવે જૂન 2021 સુધીમાં અમેરિકામાં મૃત્યુનો આંકડો 5.89 લાખ થઈ જશે. અમેરિકામાં ડિસેમ્બરના મધ્યથી કોરોનાનું વેકસીનેશન શરુ થયુ છે પણ હજુ તેની અસર બે માસથી વધુ સમય થયો છતાં હજું નજરે પડતી નથી. અમેરિકામાં કોરોનાથી પ્રથમ મૃત્યુ 2020ના ફેબ્રુઆરીમાં થયું હતું અને 1 લાખ અને ચાર માસ લાગ્યા હતા.

 

(5:33 pm IST)
  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • ૨૫મીએ સુરતમાં કેજરીવાલનો રોડ શો : આપને ૨૭ બેઠકો મળતા વિપક્ષમાં બેસશે : 'આપ'ની જીત બાદ કેજરીવાલનું ટ્વીટ : ગુજરાતમાં નવી રાજનીતિ શરૃ access_time 6:44 pm IST