Gujarati News

Gujarati News

News of Saturday, 23rd January 2021

બ્રિટનમાં લગ્ન સમારોહમાં એક સાથે 400 લોકોએ હાજરી આપતા પોલીસે સમયસર પહોંચી લોકોને એકત્ર થતા અટકાવ્યા

નવી દિલ્હી: બ્રિટનમાં કોરોનાના નવા વાયરસ સ્ટ્રેઇનને કારણે દેશવ્યાપી લોકડાઉન હોવા છતાં એક લગ્ન સમારોહમાં ૪૦૦ લોકોએ હાજરી આપી હતી. પોલીસે સમયસર પહોંચીને લોકોને એકત્ર થતાં અટકાવી દીધા હતા. આ સ્કૂલનું એ જ સ્થળ હતું જેના પ્રિન્સીપાલનું ગત વર્ષે કોરોના વાયરસથી જ મોત થયું હતું.

મેટ્રોપોલિટન પોલીસ ફોર્સે કહ્યું હતું કે અધિકારીઓને નોર્થ લંડન સ્કૂલમાં સૈંકડો લોકો દેખાયા હતા. હાલમાં માત્ર અપવાદરૂપ સંજોગોને બાદ કરતાં લોકોના મે‌ળાવડા પર પ્રતિબંધ છે. હવે ઓર્ગેનાઇઝર સામે આશરે ૧૦,૦૦૦ પાઉન્ડનો દંડ થઇ શકે છે. પોલીસ ત્રાટકતાની સાથે જ અનેક મહેમાનો ભાગી ગયા હતા. પરંતુ પોલીસના હાથે પાંચ લોકો ઝડપાઇ ગયા હતા અને તેમને ૨૦૦ પાઉન્ડથી વધુનો દંડ કરાયો હતો.

(5:42 pm IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST