Gujarati News

Gujarati News

News of Friday, 22nd November 2019

લાંબા કદની મહિલાઓમાં કેન્સર થવાનો ભય વધારે

જુદા જુદા વર્ગ - લાઈફ સ્ટાઈલ અપનાવનારી મહિલાઓ પર જુદી જુદી રીતે કેન્સર માટેનો ખતરો વધે છે : અભ્યાસ

લંડન, તા. ૨૨ : તાજેતરમાં જ કરવામાં આવેલા એક રસપ્રદ અભ્યાસમાં દાવો કરવામાં આવ્યો છે કે વધુ ઊંચાઈ ધરાવતા લોકોમાં કેન્સરનો ખતરો અન્ય કરતા વધારે રહે છે. લાંબા કદની મહિલાઓમાં પણ કેન્સરનો ખતરો વધી જાય છે. ઓક્સફોર્ડ યુનિવર્સિટી દ્વારા કરવામાં આવેલા અભ્યાસમાં આ મુજબની વાત કરવામાં આવી છે.

આ અભ્યાસમાં જણાવવામાં આવ્યું છે કે મહિલાઓની હાઈટમાં દર ૧૦ સેન્ટીમીટરનો વધારો થવાથી કેન્સરના ખતરામાં ૧૬ ટકાનો વધારો થઈ જાય છે. અગાઉના અભ્યાસમાં હાઈટ અને કેન્સરના ખતરા વચ્ચે સંબંધોની વાત કરવામાં આવી હતી પરંતુ આ નવા અભ્યાસમાં વધુ એક પગલું આગળ વધીને જણાવવામાં આવ્યું છે કે હાઈટના સંબંધ કેન્સરના ખતરા સામે રહેલું છે. જુદા જુદા વર્ગ અને લાઈફ સ્ટાઈલ અપનાવનાર મહિલાઓ ઉપર જુદી જુદી રીતે કેન્સર થવાનો ખતરો વધી જાય છે.

નવા અભ્યાસમાં અન્ય ઘણી ચોંકાવનારી બાબાત પણ ગણવામાં આવી છે. નવા અભ્યાસના તારણો રજૂ કરનાર ટીમના વડા ડૉક્ટર જેન ગ્રીને કહ્યું છે કે અમે આ અભ્યાસ મારફતે એ બાબત સાબિત કરવાના પ્રયાસ કરી રહ્યા છે કે વધારે હાઈટના કારણે કેન્સર થવાનો ખતરો માત્ર કોઈ એક જગ્યા ઉપર નથી પરંતુ એશિયા, ઓસ્ટ્રેલિયા, યુરોપ અને નોર્થ અમેરિકાના દેશોમાં પણ છે. તેમણે કહ્યું છે કે હાઈટ અને કેન્સરના રિસ્ક વચ્ચે સીધા કનેક્શન છે. આનો મતલબ એ થયો કે વધતી વયેથી કેન્સરને દૂર રાખવાના પ્રયાસો થવા જોઈએ. બ્રિટનમાં  ૧૯૯૬થી ૨૦૦૧ વચ્ચે પોતાની નોંધની કરનાર ૧૩ લાખ મહિલાઓને આવરી લઈને આ અભ્યાસની પ્રવૃત્તિ હાથ ધરવામાં આવી હતી.

આ ૧૦ વર્ષમાં શોધ કરવામાં આવ્યા બાદ ૯૭,૦૦૦ મહિલાઓમાં કેન્સર હોવાની બાબત સપાટી ઉપર આવી હતી. લાંબી કદની મહિલાઓમાં કેન્સર થવાના કોઈ નક્કર કારણો અભ્યાસમાં જાણવામાં મળ્યા નથી પરંતુ બ્રિટનમાં આવેલા આ અભ્યાસને મહત્વપૂર્ણ ગણવામાં આવે છે.

(3:34 pm IST)
  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST

  • સ્કૂલે જતા 10 બાળકોમાંથી 1 ને ડાયાબિટીસ : સુગર, ચોકલેટ, તથા મીઠાઈ તથા જંક ફુડનું અધિક સેવન અને શ્રમનો અભાવ જવાબદાર : સ્વાસ્થ્ય મંત્રાલયનો સર્વે access_time 11:58 am IST

  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST