Gujarati News

Gujarati News

News of Friday, 22nd June 2018

સરગવાના બીજથી પણ પાણીને શુધ્ધ કરી શકાશે : સંશોધન

વોશિંગ્ટન તા. ૨૨ : વિશ્વમાં આજે પણ અનેક લોકોને પીવાનું શુદ્ઘ પાણી મળી શકતું નથી ત્યારે તેના કારણે લોકો વિવિધ બીમારીનો ભોગ બનતા હોય છે ત્યારે અમેરિકાની કાર્નિજ મેલોન યુનિ.ના વિજ્ઞાનીઓએ સરગવાનાં બીજમાંથી કાઢેલા પ્રોટીનમાંથી ફિલ્ટર બનાવ્યું છે, જેના આધારે પીવાના પાણીને શુદ્ઘ બનાવી શકાશે તેવો દાવો કરવામાં આવ્યો છે.

સામાન્ય રીતે ડ્રમસ્ટિકના નામથી ઓળખાતા સરગવાના શાક તરીકે તેમજ તેલ અને અનેક પ્રકારની દવાઓ બનાવવામાં પણ ઉપયોગ થાય છે. લાંબા સમયથી તેનાં બીજનો પાઉડર પાણી સાફ કરવાના ઉપયોગમાં આવે છે, પરંતુ આ પાઉડરને સીધા પાણીમાં ધોવાથી બીજમાંથી નીકળતા અધુલનશીલ જૈવિક કાર્બનનો અવશેષ બચી જાય છે. પરિણામે પાણીમાં ૨૪ કલાક બાદ ફરીથી બેકટેરિયા જોવા મળે છે અને તે પાણી વધુ સમય સુધી પીવાલાયક રહેતું નથી.

આ અંગે વિજ્ઞાનીઓએ દાવો કર્યો છે કે તેની ખાસિયત એ છે કે એફ સ્ટેન્ડની મદદથી અનેક વાર પાણીને સાફ કરી શકાય છે અને તે કારણથી જ આ એક સસ્તી ટેકનિક છે. વિજ્ઞાનીઓનું માનવું છે કે આ ટેકનિકથી પછાત અને વિકાસશીલ દેશોમાં અશુદ્ઘ પાણીની સમસ્યાનો અંત આવી શકે તેમ છે. (૨૧.૭)

(10:13 am IST)
  • ભાજપ દ્વારા લોકસભા ચૂંટણી અને દિલ્હીની રાજકીય સ્થિતિ પર મંથન :સોશ્યલ મીડિયાનો ભરપૂર ઉપયોગ અને દલિત સમુદાયને પાર્ટી સાથે જોડવા દલિત સંપર્કઃ અભિયાન ચલાવો :ભાજપના અધ્યક્ષ અમિતભાઇએ આપ્યો નેતાઓને નિર્દેશ:મોદી સરકારની ઉપ્લબ્ધીઓની જાણકારી લોકો સુધી પહોંચાડવામાં સોશ્યલ મીડિયાનો બખૂબી ઉપયોગ સમજાવ્યો access_time 12:52 am IST

  • કુંવરજીભાઈ દિલ્હીમાં: રાહુલને મળ્યાઃ ધારાસભ્ય કુંવરજીભાઈ બાવળીયા આજે દિલ્હીમાં રાહુલ ગાંધીને મળી ગુજરાતની રાજનીતિ સંગઠન મુદ્દે અને આગામી વર્ષે યોજાનાર લોકસભાની ચૂંટણી અંગે ચર્ચા કરી : કુંવરજીભાઈએ આગામી ૨૪મીના રવિવારે સંમેલન બોલાવ્યુ છે access_time 3:35 pm IST

  • સુરતના અઠવા વિસ્તારમાં જુગારની ક્લબમાં ડીજી વિજિલન્સનો સ્થાનિક પોલીસને ઊંઘતી રાખીને દરોડો ;પીઆઇ કે કે ઝાલાને સસ્પેન્ડ કરાયા :પોલીસ કમિશનરના આકરા પગલાંથી બેડામાં ફફડાટ :પીઆઇ ઝાલા અગાઉ રાજકોટમાં એસઓજી સહિતના પોલીસ મથકોમાં અનેક મહત્વની કામગીરી બજાવી ચુક્યા છે access_time 12:55 am IST