Gujarati News

Gujarati News

News of Friday, 22nd January 2021

ઓસ્ટ્રેલિયાની સરકાર અને ગૂગલ કંપની વચ્ચે ઝઘડા ચાલી રહ્યા હોવાની માહિતી

નવી દિલ્હી: સર્ચ એન્જિન કંપની Google અને તેની સર્વિસથી તમામ લોકો વાકેફ હશે. જ્યારે કંઈ પણ માહિતી શોધવી હોય કે કંઈ કંન્ફર્મ કરવું હોય ત્યારે સૌ પ્રથમ સૌના મોઢે Googleનું નામ આવે છે. જોકે, મલ્ટિનેશનલ કંપનીની અનેક રાષ્ટ્રમાં હેડઓફિસ છે. પણ ઓસ્ટ્રેલિયા સરકાર અને Google કંપની વચ્ચે ડખા ચાલી રહ્યા છે. ઓસ્ટ્રેલિયા સરકાર અને Google વચ્ચે મીડિયા પેમેન્ટ લૉને લઈને છેલ્લા એક મહિનાથી મામલો વિવાદે ચડ્યો છે.

      હવે Googleએ ઓસ્ટ્રેલિયા સરકારને ઓસ્ટ્રેલિયામાં પોતાનું સર્ચ એન્જિન બંધ કરી દેવા ધમકી ઉચ્ચારી છે. Googleએ ધમકી આપતા જણાવ્યું હતું કે, જો કંપનીને સ્થાનિક સમાચાર પબ્લિશરોને ચૂકવણી કરવા માટે મજબુર કરવામાં આવશે તો કંપની ઓસ્ટ્રેલિયામાં પોતાનું સર્ચ એન્જિન બંધ કરી દેશે. જ્યારે ઓસ્ટ્રેલિયાના વડાપ્રધાન સ્કોટ મોરિસને કહ્યું હતું કે, તેઓ ધમકીઓ સામે કોઈ પ્રકારની પ્રતિક્રિયા આપતા નથી. આ પહેલા Googleએ ઓસ્ટ્રેલિયન ન્યૂઝ વેબસાઈટને બ્લોક કરી દીધી હતી. જેના પર ઓસ્ટ્રેલિયા સરકારે કહ્યું હતું કે Googleએ અમારા કોન્ટેન્ટ પર બ્રેક લગાવવાના બદલે એને ચૂકવણી કરવા પર ધ્યાન આપવું જોઈએ. Google અને ઓસ્ટ્રેલિયા સરકાર વચ્ચે મીડિયા પેમેન્ટને લઈને મોટી ખેંચતાણ ચાલી રહી છે.

(6:16 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • પૂર્વ ધારાસભ્ય ભૂપેન્દ્ર ખાંટનું દુઃખદ અવસાન: ગાંધીનગર: મોરવા હડફના પૂર્વ ધારાસભ્ય ભૂપેન્દ્ર ખાંટનું લાંબી માંદગી બાદ દુઃખદ અવસાન થયું છે access_time 11:43 am IST