Gujarati News

Gujarati News

News of Tuesday, 21st May 2019

રશિયાનો સિરિયામાં હવાઈ હુમલો : દસ નાગરિકોનાં મોત

કાફ્રનબેલ (સિરિયા) તા. ૨૧ : સિરિયાના ઉત્તર પશ્ચિમી વિસ્તારમાંના જેહાદીઓના ગઢ ગણાતા ઈડિબમાં રશિયા દ્વારા રવિવારે રાત્રે કરાયેલી એરસ્ટ્રાઈકમાં પાંચ બાળકો સહિત દસ નાગરિકો માર્યા ગયા છે. એરસ્ટ્રાઈક પછી જેહાદીઓ અને સરકારી દળો સામસામા આવી ગયા હતા. ઈડિબ પ્રાંતના કાફ્રનબેલ નગરમાં રશિયાના વિમાનો દ્વારા કરાયેલી એરસ્ટ્રાઈકમાં પાંચ બાળકો, ચાર મહિલા અને એક પુરૂષનું મોત થયું હતું. બ્રિટન સ્થિત સિરિયન ઓબ્ઝર્વેટેરી ફોર હ્યુમન રાઈટસે કહ્યું કે હોસ્પિટલ પાસે થયેલા હવાઈ હુમલાથી હોસ્પિટલને મોટું નુકસાન થયું હતું. રવિવારે ઈડિબ ક્ષેત્રના અન્ય વિસ્તારોમાં સરકારી દળોએ કરેલી બોમ્બ વર્ષામાં અન્ય છ નાગરિકો માર્યા ગયા હતા. ઈડિબ, એલેપ્યો, હામા અને લાટકિયા પ્રાંતના ઘણાં વિસ્તારોમાં જેહાદીઓ વર્ચસ્વ ધરાવે છે.

હામા પ્રાંતમાં ઈડિબની દક્ષિણમાં રશિયાના વિમાનોએ બોમ્બમારો કર્યો હતો. જયારે બીજી બાજુ સરકારી વિમાનોએ મશીનગન, મિસાઈલ્સ અને ક્રૂડબેરલ બોમ્બ દ્વારા હામા પ્રાંતના ઉત્તરી વિસ્તારોને લક્ષ્ય બનાવવામાં આવ્યું હતું.

ઈડિબ પ્રાંતમાં લગભગ ૩૦ લાખ લોકો રહે છે. સિરિયામાંના યુદ્ઘમાં છેલ્લાં આઠ વર્ષમાં ૩૭૦૦૦૦થી વધુ લોકો માર્યા ગયા છે અને લાખો લોકો સ્થળાંતર કરી ગયા છે.

(10:31 am IST)
  • મધ્યપ્રદેશના ઝાંસી ખાતે ઈવીએમ ભરેલી બે ગાડીઓ મળી આવતા ખળભળાટ મચી ગયો : આ ઈવીએમ ભરેલી બંને ગાડીઓ માર્કેટ યાર્ડમાં મૂકીને કર્મચારીઓ ભાગી ગયાનું વિકાસ યોગી નામના પત્રકારે ટ્વીટ કરીને જણાવ્યુ છે access_time 3:51 pm IST

  • ક્રુડ ઓઈલનો ખજાનો શોધવા નીકળેલ પાકિસ્તાનને ફટકો :700 કરોડ ખર્ચા બાદ મળ્યો ‘ઠેંગો’: પાકિસ્તાનને હેવ અરબ સાગરમાંથી ક્રુડ ઓઇલ ના મળવાથી વધુ એક ફટકો પડ્યો: કરાચી કોસ્ટ પાસે અરબ સાગરમાં ગેસ ભંડાર મળવાની ધારણાએ મોટા પાયે ખોદકામ કર્યું :કુવા ખોદ્યા તેમાંથી કોઇ ખનિજ ઈધણ હાંસલ થયું નથી. access_time 12:42 am IST

  • નવજોતસિંહ સિદ્ધુએ ભાજપ અને કોંગ્રેસ બંને પાર્ટીઓને અપમાનિત કરી : હવે ઇમરાનની પાર્ટી જોઇન કર્યા સિવાય કોઇ વિકલ્પ નથી: અનિલ વિજનો વ્યંગ:હરિયાણા સરકારના સ્વાસ્થય અને રમત મંત્રી અનિલ વીજે કોંગ્રેસ નેતા નવજોત સિંહ સિદ્ધુ પર નિશાન સાધ્યું :વીજે કહ્યું કે, સિદ્ધુએ ભાજપ અને કોંગ્રેસ બંન્ને પાર્ટીઓને અપમાનીત કરી છે. એવામાં તેની પાસે પાકિસ્તાનના વડાપ્રધાન ઇમરાન ખાનની પાર્ટી તહરીક એ ઇંસાફમાં જવાનો જ વિકલ્પ બચે છે access_time 12:34 am IST