Gujarati News

Gujarati News

News of Wednesday, 21st March 2018

એન્ટાર્કટિકામાં ફ્રાન્સથી મોટું ગ્લેશિયર પીગળ્યું: સમુદ્રનું સ્તર વધવાની ભીતિ

ગ્લોબલ વોર્મિંગના લીધે ઉનાળા પહેલા જ તાપમાન વધતાં ગ્લેશિયર વધુ પીગળ્યું

સિડની (ઓસ્ટ્રેલિયા) તા. ૨૧ : એન્ટાર્કટિકામાં તરી રહેલા ફ્રાન્સથી પણ વિશાળ આકારનું ગ્લેશિયર ગ્લોબલ વોર્મિંગના કારણે તાપમાન વધવાથી ઝડપથી પીગળી જાય એવી આશંકા છે. તેનાથી સમુદ્રના જળસ્તરમાં ખૂબ વધારો થઈ શકે છે. વિજ્ઞાનીઓએ કહ્યું હતું કે ટોટેન ગ્લેશિયર એન્ટાર્કટિકામાં સૌથી ઝડપથી તરતું અને સૌથી વિશાળ ગ્લેશિયર છે. વિજ્ઞાનીઓ તેના પર ઝીણવટથી નજર રાખી રહ્યા છે કે તે કેવી રીતે પીગળી રહ્યું છે.

સંશોધકોએ અગાઉ વિચાર્યુ હતું તેના કરતાં વધુ વિશાળ આકારમાં આ ગ્લેશિયર તરી રહ્યું છે. આ અભ્યાસ ઘણો મહત્ત્વપૂર્ણ છે કેમકે હાલના અભ્યાસોમાં એ જાણવા મળ્યું છે કે ટોટેન ગ્લેશિયરનો કેટલોક હિસ્સો ગરમી અગાઉ જ પીગળી રહ્યો છે. સેન્ટ્રલ વોશિંગ્ટન યુનિવર્સિટીના પોલ વિનબેરીએ કહ્યું હતું, 'તેનો અર્થ એ પણ છે કે ટોટેન ભવિષ્યમાં જળવાયુમાં થનારા ફેરફારોના હિસાબે વધુ સંવેદનશીલ છે.'

ગ્લેશિયર બરફનો વિશાળ હિસ્સો હોય છે જે અનેક શિયાળામાં ધીમે ધીમે ખીણપ્રદેશ, પર્વતો અને નીચલા વિસ્તારો તરફ આગળ વધે છે. તેમાં પૃથ્વીના તાજા જળની મોટી માત્રા હોય છે અને જયારે તેઓ પીગળે છે તો સમુદ્રનું સ્તર વધવામાં તેનું મોટું યોગદાન હોય છે. નાસાના અનુસાર, વર્ષ ૨૦૦૨થી ૨૦૧૬ વચ્ચે એન્ટાર્કટિકામાં દર વર્ષે ૧૨૫ ગીગાટન બરફ પીગળ્યો હતો.(૨૧.૧૬)

 

(11:46 am IST)
  • રશિયાના રાષ્ટ્રપતિ આ ઉંમરે પણ પોતાની ફિટનેસને લઈ ભારે ચર્ચામાં છે. ત્યારે એક લોકલ ટીવી ચેનલ ‘કેપિટલિસ્ટ ટીવી દાવો કર્યો હતો કે, પુતિન પોતાની સમાગમ શક્તિ વધારવા માટે સાઇબેરીયના હરણના શિંગળાના લોહીથી ન્હાય છે. ચેનલે દાવો કર્યો હતો કે,2016માં પુતિન માટે આ હરણોનો લગભગ 70 કિલો શીંગળા કાપવામાં આવ્યા હતા. access_time 2:12 am IST

  • બોલીવુડમાં જેમના લગ્નની ચર્ચા સૌથી વધુ છે એવા દીપિકા પાદુકોણ અને રણવીર સિંહની એક તસવીરે સોશિયલ મીડિયામાં ધમાલ મચાવી છે. બંના વેડિંગ લૂકનો ફોટો વાઇરલ થયો છે. દીપિકા પાદુકોણના એક ફેન સિદ્ધાંતે સુંદર રીતે ફોટોશોપ કરીને આ તસવીરો તૈયાર કરી છે. આ તસવીરો સાથે અનેક હેશટેગ આપવામાં આવ્યા છે. એક્ટર્સ અથવા તેના પરિવાર તફથી ઓફિશિયલ કન્ફર્મેશન નથી આવ્યું. access_time 1:50 am IST

  • લાલુ પ્રસાદની તબિયતમાં સુધારો નહિ દર્શાતા તેમને રિમ્સ હોસ્પિટલમાં લઇ ગયા access_time 4:24 pm IST