Gujarati News

Gujarati News

News of Wednesday, 15th May 2019

સાસુમાને ઘરથી દૂર રાખવા જમાઇરાજે ઘરમાં ઝેરી કરોળિયો પાળ્યો

લંડન તા. ૧૫ : જગતમાં લોકો જાતજાતનાં પાળતુ પ્રાણીઓ રાખવાના શોખીન હોય છે. જોકે કયારેક પાળેલાં પ્રાણીઓ તમને અણગમતાં સાસરિયાંઓથી છુટકારો અપાવવામાં પણ મદદરૂપ થઈ શકે છે. સોશ્યલ નેટવર્કિંગ સાઇટ રેડિટ પર એક યુઝરે પોતે ટેરેન્ટુલા પ્રજાતિનો એક ઝેરી કરોળિયો પાળ્યો હોવાની વાત શઙ્ખર કરી છે. વાત એમ છે કે આ ભાઈને કરોળિયા પ્રત્યે ખાસ કોઈ લગાવ નથી, પણ તેમને આ કરોળિયો પાળવામાં ખાસ લાભ દેખાયો હોવાથી તેમણે પોતાના ઘરમાં એની ખાસ જગ્યા બનાવી છે.

તેમનાં ટ્રેડિશનલ ચાઇનીઝ સાસરિયાંઓ અને ખાસ કરીને સાસુમા તેમના ઘરે અચાનક જ આગોતરી જાણ કર્યા વિના જ આવી પહોંચતાં હતાં અને પછી દિવસો સુધી ધામા નાખીને રહેતાં હતાં. સાસુમા ઘરે આવે એમાં ભાઈસાહેબને વાંધો નહોતો, પણ એ પછી તેઓ દીકરીના ઘરમાં આમ થવું જોઈએ અને આમ ન થવું જોઈએ એવી જોહુકમીઓ પણ કરવા માંડતાં હતાં. જમાઈરાજને એનાથી તકલીફ થતી હતી અને તેમણે વાઇફને અનેક વાર વાત પણ કરી જોઈ. પત્ની પણ જાણે પતિની આ વાતને કાને ધરતી નહોતી. એવામાં ભાઈસાહેબને ખબર પડી કે સાસુમાને કરોળિયાનો ફોબિયા છે.

ખૂણામાં કયાંક કરોળિયો જોઈ જાય તો સાસુમાના હાથપગ ઢીલા થઈ જાય છે અને ચીસાચીસ શરૂ કરી દે છે. બસ, આ વાતનો લાભ લેવા તેણે નક્કી કરી લીધું કે હવે તે ઘરમાં પાળતુ પ્રાણી તરીકે કરોળિયો લઈ આવશે. નવાઈની વાત એ છે કે ખરેખર તે ટેરેન્ટુલા પ્રજાતિનો કરોળિયો ઘરે લઈ આવ્યો. આ ભાઈનું કહેવું છે કે જયારથી આ કરોળિયો ઘરે આવ્યો છે ત્યારથી સાસુમા ઘરે આવ્યાં જ નથી અને એને કારણે મને આ કરોળિયો જીવથીયે વહાલો થઈ ગયો છે.

(3:39 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • કોલકતામાં ભાજપના અધ્યક્ષ અમિત શાહના રોડ શોમાં પક્ષના કેટલાક કાર્યકરોએ હનુમાનજીનું રૂપ ધારણ કરી સૌનું ધ્યાન ખેંચ્યું હતું. access_time 11:14 am IST