Gujarati News

Gujarati News

News of Friday, 7th December 2018

જાતે જ પોતાના ચહેરા પર ધોલધપાટ કરીને પતિને હિંસાના કેસમાં જેલભેગો કરી દીધો આ બાઇએ

સીડની તા.૭: ઓસ્ટ્રેલિયામાં રહેતી અસ્મી નામની એક મોરક્કન મહિલાએ પોતાનો પતિ ફૈઝલ મારપીટ કરે છે એવો આરોપ લગાવીને તેને જેલભેગો કરી દીધો હતો. જો કે તેના જ એપાર્ટમેન્ટની લિફટના કેમેરાએ અસ્મીની પોલ ખોલી નાખી હતી.

ફૈઝલે મુસ્લિમ ડેટિંગ દ્વારા અસ્મી નામની આ મહિલા સાથે એપ્રિલ મહિનામાં લગન કર્યાં હતા. જો કે લગનના થોડા જ સમયમાં અસ્મીએ મૂળ રંગ બતાવવા માંડયો. આખરે ફૈઝલને ખબર પડી ગઇ કે અસ્મીએ માત્ર ઓેસ્ટ્રેલિયાના વિઝા મેળવવા માટે થઇને તેની સાથે લગ્ન કર્યાં હતા. જયારે અસ્મીને ખબર પાડી કે ફૈઝલ હકીકત જાણી ચૂકયો છે એટલે તેણે પતિને ફસાવવાનો પ્લાન કર્યો. એક રાતે તે ઘરની બહાર નિકળી અને ચહેરા પર જોરદાર મારપીટનાં નિશાનો સાથે પાછી આવી અને પોલીસને ફોન કર્યો. પોલીસ સામે તેણે પોતે બિચારી-બાપડી છે એવો દેખાડો કર્યો અને હિંસાના પુરાવા હોવાથી પોલીસ તેને પકડી ગઇ. ફૈઝલે વકીલ રોકયો અને વકીલે પોલીસની મદદથી તેના એપાર્ટમેન્ટમાં લાગેલા સિસિટીવી કેમેરાનાં ફુટેજ કઢાવ્યાં. એમાં એક ફુટેજ લિફટનું પણ હતું. લિફટમાં અસ્મી પોતાના ચહેરા પર જાતે જ જોરજોરથી પંચ મારતી હોય એવું જોવા મળ્યું. આટલો પુરાવો ફેઝલને નિર્દોષ સાબિત કરવા માટે પુરો હતો. પોલીસે જયારે અસ્મીને પકડવા ગઇ ત્યારે તે ઘરમાંથી ફરાર થઇ ગઇ.  આમ, પત્નીનો પોતાનો જ દાવ ઊંધો પડી ગયો.(૧.૨)

 

(10:08 am IST)
  • સુરત :જાપાની કંપની ઝીકાના અધિકારી આવતીકાલે સુરત અને નવસારીના ખેડૂતોની કરશે મૂલાકાત :બુલેટ ટ્રેન અને જમીન સંપાદન મુદ્દે ઝીકા કંપનીના આધિકારી ગુજરાત ખેડૂત સમાજ સાથે પણ કરશે ચર્ચા access_time 2:39 pm IST

  • દેશમાં દર આઠમાંથી એક મોત વાયુ પ્રદુષણથીઃ હેલ્થ મીનીસ્ટ્રીના અભ્યાસનું તારણઃ આઉટડોર પ્રદુષણથી ૧૦ લાખથી વધુના મોત ર૦૧૭ મા વાયુ પ્રદુષણથી થયેલ મોતમાં અર્ધા થી વધારેની ઉમર ૭૦ થી ઓછી : રીસર્ચ પેપર પ્રમાણે દુનિયાની ૧૮ ટકા વસ્તી ભારતમાં: ર૬ ટકા મોત વાયુ પ્રદુષણને કારણે : દિલ્હી, ઉતરપ્રદેશ, બિહાર, હરીયાણા, વાયુ પ્રદુષણઃ આયુષ્ય ૧.૭ વર્ષ ઘટે access_time 11:47 pm IST

  • દિલ્હી મેટ્રોની બ્લુ લાઇનનું સિગ્નલ ફેઈલ :હજારો મુસાફરો પરેશાન :ટ્રેનો કલાકો સુધી સ્ટેશન પર થોભી : એક બીજા સ્ટેશન જવા માટે પણ ટ્રેનોને 15 થી 20 મિનિટનો સમય લાગે છે : નિયંત્રણ કેન્દ્રોનો સંપર્ક તૂટતા સમગ્ર બ્લુ લાઈન ટ્રેનો પ્રભાવિત : ગાઝિયાબાદ અને નોઈડાને વેસ્ટ દિલ્હીના દ્વારકાથી જોડનારી લાઈનમાં પેહલા કકરોલબાગ અને દ્વારકા સેક્શન વચ્ચે અને પછી સમગ્ર લાઈનમાં સિગ્નલ ફેઈલ થયું access_time 1:16 am IST