Gujarati News

Gujarati News

News of Thursday, 8th November 2018

ટાર્ગેટ પૂરો ન થતાં કર્મચારીઓને જબદરસ્તી કરાઈ યુરિન પીવાની અને વંદા ખાવાની સજા

જે લોકો વેચાણ સાથે સંકળાયેલા છે તેમને માટે ટાર્ગેટ શબ્દને ધબકારાની જેમ જીવતા હોય છે.  ટાર્ગેટ યાને કે નિર્ધારિત લક્ષ્‍યાંક પામી લેવાનું દબાણ કંપનીઓમાં સહજ ગણાતું હોય છે પણ કયારેક એવી ઘટનાઓ પણ બને છે જે ટાર્ગેટની સામે સવાલો ઊભા કરી દે છે. તાજેતરમાં જ ચીનમાં આવી એક ઘટના બની છે.  સાઉથ ચાઈના મોર્નિંગ પોસ્ટનો અહેવાલ જણાવે છે કે ટાર્ગેટ પૂરો ન થતાં કર્મચારીઓને જબદરસ્તી યુરિન પીવડાવવાની ઘટના બાબતે મેનેજરને જેલને હવાલે કરવામાં આવ્યા છે.  કર્મચારીઓને પટ્ટાથી ફટકારવામાં આવતા હોય અને તેઓ નાક દબાવીને પ્લાસ્ટિકનાં કપમાં પીળું પ્રવાહી પીતા હોય તેવા દૃશ્યોવાળો એક વીડિયો ચીનના સોશિયલ મીડિયામાં વાઇરલ થતાં પોલીસ હરકતમાં આવી હતી.  અહેવાલ મુજબ જો ટાર્ગેટ પૂરો નહીં કરવામાં આવે તો વંદા ખવડાવવામાં આવશે તેવી સ્ટાફને ધમકી આપી હોવાનો પણ ઉલ્લેખ કરવામાં આવ્યો છે.  આ ઘટના ગુઈઝોઉ શહેરની હોમ રિનોવેશન કંપનીમાં બની હોવાનું કહેવાય છે. સ્થાનિક મીડિયાના અહેવાલો મુજબ કંપનીમાં કર્મચારીઓને સજા આપવા તેમજ શરમજનક સ્થિતિમાં મૂકવા, ટૉઇલેટનું કે વિનેગર પીવા મજબૂર કરવા કે તેમનું મુંડન કરાવવું એવી અન્ય પ્રથાઓ પણ પ્રચલિત છે.

(9:32 am IST)
  • મધ્યપ્રદેશ વિધાનસભા ચૂંટણી : કોંગ્રેસે 29 ઉમેદવારોની ચોથી યાદી જાહેર કરી:રાજ્યના મુખ્યમંત્રી શિવરાજ સિંહ સામે કોંગ્રેસે તેમના સાળા સંજય સિંહને વારાસવની સીટ પરથી મેદાનમાં ઉતાર્યા : નવા ચહેરા સિદ્ધાર્થ લાડા(36)ને શિવપુરી વિધાનસભા બેઠક પરથી ટિકિટ: મધ્યપ્રદેશના મંત્રી અને પૂર્વ ગ્વાલિયર રાજઘરાણાના વંશજ યશોધરા રાજે સિંધિયા(ભાજપ) સાથે મુકાબલો થશે access_time 11:52 pm IST

  • દિવાળીના તહેવારોમાં સ્ટેચ્યુ ઓફ યુનિટી ખાતે પ્રવાસીઓનો ધસારો : 2 દિવસમાં 70 લાખની આવક આજથી લેસર શો શરૂ નવા વર્ષના પ્રથમ દિવસે 20 હજાર પ્રવાસીઓના આગમનનું અનુમાન. આજે 4 વાગ્યા સુધીમાં 16,036 પ્રવાસીઓ નોંધાયા. પ્રવાસીઓના ઘસારાને ધ્યાને રાખી 5 વાગ્યે ટિકીટ કાઉન્ટર કરાયું બંધ. દિવાળીના દિવસે 11,219 પ્રવાસીઓએ લીધી હતી મુલાકાત. નિગમને છેલ્લા 2 દિવસમાં 70 લાખથી વધુની થઇ આવક. પ્રવાસીઓ માટે બસની સુવિધા પણ પડી ઓછી. સ્ટેચ્યુ ઓફ યુનિટી ખાતે આજથી લેસર શો કરાયો શરૂ. આજે 6.30 થી 8 વાગ્યા સુધી યોજાશે લેસર શો. access_time 6:42 pm IST

  • રાજકોટ : ગોંડલ તાલુકાની ગોમટા ચોકડી પાસે છકડો રીક્ષા પલ્ટી:રીક્ષામાં સવાર 7 વ્યક્તિઓને ઈજા : ઈજાગ્રસ્તોને ગોંડલ સરકારી હોસ્પિટલમાં સારવાર અર્થે ખસેડવામાં આવ્યા : રીક્ષા ચાલક બનાવના સ્થળે રીક્ષા મૂકીને ફરાર access_time 7:08 pm IST