Gujarati News

Gujarati News

News of Saturday, 13th January 2018

સાઉદી અરેબિયામાં મહિલાઓ દ્વારા સંચાલિત કાર-શોરૂમ ખૂલ્યો

દુબઇ તા. ૧૩: સાઉદી અરેબિયામાં છેલ્લા ૩૦ વર્ષથી મહિલાઓના ડ્રાઇવિંગ પર પ્રતિબંધ મૂકી દેવામાં આવ્યો છે, પણ હવે જૂન મહિનાથી મહિલાઓ કાર ચલાવી શકશે એથી મહિલાઓ કાર ખરીદી શકે એ માટે માત્ર મહિલા સ્ટાફ દ્વારા સંચાલિત એક કાર-શોરૂમ જેદાહ શહેરમાં ખોલવામાં આવ્યો છે. ગુરૂવારે ખુલ્લા મૂકવામાં આવેલા આ શોરૂમમાં માત્ર મહિલાઓ જ કારની ખરીદી કરવા જઇ શકશે. આ શોરૂમમાં મહિલાઓને વિવિધ કારનાં મોડલ જાવા મળશે અને જે મહિલાને કાર ખરીદવી હશે તેમને લોનની સગવડ પણ કરી આપવામાં આવશે.

(2:49 pm IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • મુંબઈમાં સવારે થયેલ ઓએનજીસી હેલિકોપ્ટર દુર્ઘટનામાં અત્યાર સુધીમાં 5 મૃતદેહ મળી આવ્યા છે : કુલ 7 લોકો હેલિકોપ્ટરમાં સવાર હતા access_time 7:38 pm IST