Gujarati News

Gujarati News

News of Saturday, 13th January 2018

જાપાનમાં ભારે બરફવર્ષા, આખી રાત ટ્રેનમાં ફસાયા ૪૩૦ લોકો

ટોકીયો તા. ૧૩ : જાપાનમાં ભારે બરફવર્ષા થતા લોકોની ઉંઘ હરામ થઈ ગઈ છે. જાપાનના નિગાતામાં ભારે બરફવર્ષાને લઈને આશરે ૪૩૦ લોકો આખી રાત ટ્રેનમાં ફસાયેલા રહ્યા. બરફ વર્ષાનું દ્રષ્ય કંઈક એવું હતું કે જાપાની સમુદ્ર તટનો મોટો ભાગ બરફની ચાદરથી ઢંકાયેલો હતો. રેલવેના એક અધીકારીએ આ જાણકારી આપી હતી.

જેઆર ઈસ્ટ રેલવે કંપનીની નીગતા શાખાના પ્રવકતા શિનિચી સેકીએ જણાવ્યું કે સાંજના સમયે આશરે ૧૫ કલાક સુધી ટ્રેનને રોકી રાખવામાં આવી હતી અને ત્યારબાદ બીજા દિવસે એટલે કે આજે સવારે ટ્રેનને ફરીથી રવાના કરવામાં આવી હતી.

ટ્રેન સેવા શરૂ થતા જ રેસ્કયુ ટીમે લોકોને બચાવવાની કામગીરી શરૂ કરી દિધી હતી. પ્રાપ્ત માહિતી અનુસાર પાંચ યાત્રીઓની હાલત અત્યંત નાજુક બની ગઈ હતી. જેમને તરત જ હોસ્પિટલમાં પહોંચાડવામાં આવ્યા હતા. તો આ સિવાય અડધાથી વધારે યાત્રીકોને તેમના પરિજનો ટ્રેન સરખી થયા પહેલા જ લેવા માટે આવી ગયા હતા.(૨૧.૩)

(11:08 am IST)
  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST

  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST