Gujarati News

Gujarati News

News of Friday, 20th November 2020

વધતા જતા કોરોના વાયરસને ધ્યાનમાં રાખીને ન્યુયોર્કમાં ફરીથી શાળા બંધ કરવાનો નિર્ણય લેવામાં આવ્યો

નવી દિલ્હી: વિશ્વમાં અત્યાર સુધીમાં 5.65 કરોડથી વધુ લોકો સંક્રમણનો ભોગ બન્યા છે. તેમાંથી 3.93 કરોડ લોકો સાજા થઈ ચૂક્યા છે. જ્યારે 13.53 લાખ લોકોના મૃત્યુ થયા છે. હવે 1.58 કરોડ દર્દીઓ એવા છે જેમની સારવાર ચાલી રહી છે. શહેરમાં કોરોનાના સતત વધી રહેલા કેસના પગલે ન્યુયોર્કે સ્કુલ બંધ કરવાનો નિર્ણય કર્યો છે. સ્કુલ બંધ કરવાના નિર્ણયના પગલે શહેરના 3,00,000 વિદ્યાર્થીઓને અસર થશે. અગાઉ આ તમામ વિદ્યાર્થીઓ સ્કુલમાં જઈને શિક્ષણ પ્રાપ્ત કરતા હતા. આ અંગે ચાન્સેલર રિચાર્ડ કારેનાઝે જણાવ્યું કે શહેરમાં સંક્રમણ વધવાના કારણે આ નિર્ણય લેવામાં આવ્યો છે.

(5:29 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST