Gujarati News

Gujarati News

News of Friday, 20th November 2020

ઓસ્ટ્રેલિયાના સૈનિકોએ અફઘાનિસ્તાનમાં પ્રેક્ટિસ માટે 39 લોકોને ઠાર કર્યા હોવાની માહિતી

નવી દિલ્હી: ઓસ્ટ્રેલિયાના ડિફેન્સ ફોર્સ ચીફ જનરલ એન્ગસ કેમ્પબેલના ખુલાસાએ વિશ્વને ચોંકાવી દીધું છે. એન્ગસે વોર ક્રાઈમનો એક રિપોર્ટ બહાર પાડ્યો છે. તેમાં કહેવામાં આવ્યું છે કે અફઘાનિસ્તાનમાં તહેનાત તેમના સૈનિકોએ 39 નિર્દોષ નાગરિકોની હત્યા કરી હતી. આ ગુનો કરનારા મોટાભાગના સૈનિકો ઓસ્ટ્રેલિયાના હતા. જે પ્રથમ વખત યુદ્ધના મેદાનમાં ઉતર્યા હતા. આ સૈનિકોએ માત્ર પ્રેક્ટિસના નામે નિર્દોષ લોકોની ગોળીઓથી હત્યા કરી હતી. અફઘાનિસ્તાનમાં તહેનાત વિદેશી સૈનિકો પર પહેલા પણ આ પ્રકારના આરોપો લાગ્યા છે. ઓસ્ટ્રેલિયાના ડિફેન્સ ડિપાર્ટમેન્ટે ચાર વર્ષ સુધી આ આરોપીઓની તપાસ કરી. તેના માટે ત્રણ લોકોની ટીમ બનાવવામાં આવી હતી. તેમાં એક જજ પણ સામેલ હતા. આ દરમિયાન 400 સાક્ષીઓના નિવેદનો નોંધવામાં આવ્યા હતા. 19 સૈનિકોને આરોપી બનાવવામાં આવ્યા છે. આ તમામ પર હત્યાનો આરોપ નોંધવામાં આવ્યો છે અને કેસ તેને સંલગ્ન કલમોમાં ચાલશે.

(5:29 pm IST)
  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST