Gujarati News

Gujarati News

News of Saturday, 20th July 2019

'જાડી સ્ત્રી સ્વર્ગમાં જઇ ન શક' એવું બોલનાર પાદરીને મહિલાએ સ્ટેજ પરથી ધકકો માર્યો

સમગ્ર ઘટના કેમેરામાં કેદઃ વીડિયો વાયરલ

લંડન, તા.૨૦: ચર્ચમાં એક પાદરીનું કામ વિધિઓ કરાવવાનું, સારા ઉપદેશ આપવાનું અને ધર્મગ્રંથો પર ચર્ચા કરવાનું છે. પરંતુ ભીડ વધારે હોય ત્યારે કોઈ વાર જીભ લપસી જાય તેવુ પણ બને. આવું જ બ્રાઝિલના એક પાદરી સાથે થયુ હતુ. તેમણે જે કહ્યું તે તો ઠીક, પરંતુ બોલ્યા પછી જે થયુ તે વધારે મહત્વનું છે. આ સમગ્ર દ્યટના કેમેરામાં કેદ થઈ ગઈ હતી અને વીડિયો ઈન્ટરનેટ પર વાયરલ થઈ ગયો છે.

રિપોર્ટ્સ અનુસાર મહિલા ઓડિયન્સમાં બેસીને પાદરીનું પ્રવચન સાંભળી રહી હતી પરંતું જયારે પાદરીએ કહ્યું, 'જાડી સ્ત્રીઓ સ્વર્ગમાં ન જઈ શકે'ત્યારે મહિલાનો પત્તો ગયો હતો. તે કૂદીને સ્ટેજ પર ચડી ગઈ હતી અને તેણે પાદરીને ધક્કો મારી દીધો હતો.

રિપોર્ટ્સ અનુસાર પાદરી માર્સેલો રોસી બ્રાઝિલની કેથોલિક કોમ્યુનિટીમાં જાણીતુ નામ છે. આ દ્યટના થયા બાદ લોકોને શું કરવું તે ખબર નહતી પડી અને બધા જ આઘાત પામી ગયા હતા. આ સમયે હજારો લોકો ચર્ચમાં ભેગા થયા હતા અને પાદરી તેમની સામે સ્ટેજ પરથી પડી ગયા હતા.

પડયા પછી પાદરી રોસીએ જણાવ્યું, 'ચિંતા ન કરો. મને બસ થોડો દુઃખાવો છે. આ નોર્મલ છે, કંઈ ભાંગ્યુ નથી.' આ ઘટના પછી પાદરીએ ચર્ચાસ્પદ ટિપ્પણી કરવાનું ટાળ્યું હતું. કેમેરામાં હાલમાં હાજર લોકો કેટલા આઘાત પામી ગયા હતા તે પણ જોઈ શકાય છે.

 

(9:57 am IST)
  • નવજોત સિદ્ધુનું રાજીનામું સ્વિકારી લેતા અમરીન્દર : વિવાદ વકરશે ? : પંજાબના કોંગી મુખ્યમંત્રી કેપ્ટન અમરીંદર સીંધે કેબીનેટ મંત્રી નવજોતસિંઘ સિદ્ધનું રાજીનામું સ્વિકારી લીધું છે અને રાજયપાલ તરફ મોકલી આપ્યું છે, સિદ્ધુએ ૧૪ જુલાઇએ મંત્રીપદેથી રાજીનામું ધરી દીધું હતું. access_time 1:09 pm IST

  • ધોની હજુ ધમાલ મચાવવા સજજઃ ધોનીના મેનેજરે કહ્યું નિવૃત્તિનો કોઈ ઈરાદો નથીઃ સંપૂર્ણફિટ છે : અરૂણ પાંડેએ કહ્યું માહીનું ક્રિકેટમાંથી સન્યાસ લેવાનું કોઈ જ આયોજન નથી access_time 2:37 pm IST

  • ઉત્તર કેરળમાં સવાર સુધીમાં ૨૪ કલાક દરમિયાન ૪ થી ૧૨ ઇંચ જેવો અતિ ભારે વરસાદ પડ્યો છે :જ્યારે દક્ષિણ કેરળમાં હળવો પડ્યો છે :કોટ્ટાયમમાં ૪ ઇંચ અને કુડુલુમાં ૧૨ ઇંચ પડી ગયો access_time 9:14 pm IST