Gujarati News

Gujarati News

News of Wednesday, 20th January 2021

જાપાનમાં એક્સપ્રેસ વે પર હિમવર્ષાના કારણોસર એક સાથે 134 કાર અથડાઈ

નવી દિલ્હી: જાપાનમાં મંગળવારે એક એક્સપ્રેસ વે પર હિમ વર્ષાના કારણે રસ્તો લપસણો બની જતા એક પછી એક એવી 134 કાર એક બીજા સાથે અથડાઇ હતી જેમાં એક વ્યક્તિનું મોત થયું હતું અને એકાદ ડઝન જેટલા લોકો ઘવાયા હતા. આજે બપોરે મિયાગીના ઉત્તરે આવેલા તોહુકુ એક્સપ્રેસ વે પર અકસ્માતની હારમાળા સર્જાઇ હતી.

રસ્તા પર કાર અથડાવવાના કારણે લગભગ એક કિમી સુધી કારની લાંબી લાઇન લાગી ગઇ હતી, એમ સરકારે કહ્યું હતું. રસ્તા પર વિઝિબિલીટી ઘટી જતાં સત્તાવાળાઓએ વાહનોની ગતિ મર્યાદા કલાક દીઠ માત્ર 50 કિમી કરી દીધી હતી. તેમ છતાં રસ્તા પર અકસ્માત તો બન્યા હતા. રસ્તા પર વાહનો અથડાવવાના કારણે આશરે 200 જણા ઘવાયા હતા જે પૈકી 12 જણાને હોસ્પિટલે મોકલવામાં આવ્યા હતા.

(5:41 pm IST)
  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • તાંડવના નિર્માતા અને કલાકારો વિરૂદ્ધ મુંબઈના ઘાટકોપરમાં એફઆઈઆર દાખલ : મુંબઈના ઘાટકોપર પોલીસ સ્ટેશનમા તાંડવ વેબસીરીઝના નિર્માતાઓ અને કલાકારો વિરૂદ્ધ આઈપીસી કલમ ૧૫૩-એ, ૨૯૫-એ અને ૫૦૫-૨ હેઠળ એફઆઈઆર નોંધવામાં આવી છે access_time 5:09 pm IST

  • ભારતે મોકલેલ વેક્સીનનો જથ્થો ભૂટાનમાં આવી પહોંચ્યો access_time 5:09 pm IST