Gujarati News

Gujarati News

News of Tuesday, 19th March 2019

ફેશન માટે ભાઇએ કાનની વચ્ચે કાણું પડાવી દીધું

લંડન તા.૧૯: સ્વીડનના એક બોડી મોડિફિકેશન પ્રેકિટશનર ચાઇ મેઇબર્ટે ગયા અઠવાડિયે પોતાના સોશ્યલ મીડિયા અકાઉન્ટ પર એક તસ્વીર પોસ્ટ કરી હતી. જયારે કસ્ટમર આવુંં કામ કરાવવા તેની પાસે આવ્યો ત્યારે ચાઇને પણ નવાઇ લાગેલી. ચાઇએ પોતાના એ કસ્ટમરનું નામ નથી આપ્યું, પરંતુ તે ઓસ્ટ્રેલિયન મૂળનો હતો અને બીજા બધા જ કરતાં હટકે અને યુનિક લુક માટે કાનની વચ્ચેનો ભાગ કપાવવા આવ્યો હતો. ચાઇએ કાનની વચ્ચેનો ભાગ સર્જિકલી દૂર કરી પણ આપ્યો. ચાઇભાઇ કહે છે કે આવું કરવાથી માણસ બહેરો નથી થઇ જતો, પરંતુ કાનના અંદરના ભાગને પ્રોટેકટ કરે એવું આવરણ હટી  જતું હોવાથી અવાજ કઇ દિશામાંથી આવી રહ્યો છે એનો અંદાજ આવવામાં મુશ્કેલી પડી શકે છે. જો કે સર્જરીનાં ત્રણ-ચાર વીક બાદ મગજ એ માટે ટ્રેઇન થઇ જાય છે. સ્વીડનના સ્ટોકહોમમાં પોતાનો બોડી મોડિફિેકેશન સ્ટુડિયો ચલાવતા ચાઇએ જયારથી પોતાના ફેસબુક અકાઉન્ટ પર આ તસ્વીરો શેર કરી છે ત્યારેથી હજારોની સંખ્યામાં લોકોએ એને લાઇક કરી છે અને આવું કરવાના ગેરફાયદા-ફાયદા વિશેની પૂછપરછ વધી ગઇ છે.

(3:45 pm IST)
  • ભારતમાંથી હશે મારો આગામી ઉત્તરાધિકારી:બૌદ્ધ ધર્મગુરુ દલાઇ લામાની મોટી જાહેરાત : તિબેટીયન બૌદ્ધ ધર્મગુરુ દલાઇ લામાનું કહેવું છે કે તેમનો ઉત્તરાધિકારી ભારતનો હોઇ શકે :તેઓએ કહ્યું કે તેમણે પોતાના જીવનના 60 વર્ષ ભારતમાં પસાર કર્યા અને અહીંથી તેમનો ઉત્તરાયધિકારી હોઇ શકે છે access_time 1:19 am IST

  • જોડીયાના બાદનપરની ઉંડ નદીમાંથી રેતી ચોરી કરતાં ૧૭ વાહનોને ઝડપી લેતી જામનગર ગ્રામ્ય પોલીસ : નાયબ પોલીસ મહાનિરીક્ષક સંદિપસિંઘ તથા પોલીસ અધિક્ષક શરદસિંઘલ (જામનગર), સંદિપ ચૌધરીના માર્ગદર્શન હેઠળ પીએસઆઈ જે.સી.ગોહીલ, વી.કે.ગોહીલ સહિતનાઓએ અલગ અલગ ટીમો બનાવી જોડીયા અને બાદનપર નદીકાંઠા વિસ્તારમાં કોમ્બીંગ કરી ૧૪ ડમ્પરો અને ૨ ટેકટરો તથા ૧ જેસીબી મશીન સહિત કુલ ૧૭ વાહનોને જપ્તીમાં લઈ ખાણ ખનીજ વિભાગ જામનગરને સોંપી રેતી ચોરી સબબ કાર્યવાહી હાથ ધરી access_time 6:04 pm IST

  • ઓડિસાના વેદાંત પ્લાન્ટમાં નોકરીની માંગ સાથે હિંસક પ્રદર્શન : કાલાહાંડી વેદાંત પ્લાન્ટમાં નોકરીની માંગ ઉગ્ર બની :એક સુરક્ષાકર્મી સહીત બે લોકોના મોત :સુરક્ષાકર્મી અને પ્રદર્શકારીઓ વચ્ચે ઘર્ષણ :30થી વધુ લોકો ઘાયલ access_time 1:04 am IST