Gujarati News

Gujarati News

News of Tuesday, 19th January 2021

ચીને બનાવી મેગ્‍લેવ મેગાસ્‍પીડ ટ્રેન : એક કલાકમાં ૬૨૦ કિલોમીટરનું અંતર કાપી શકે

બીજિંગ / નવી દિલ્‍હી તા.૧૯:  ચીને બુલેટ ટ્રેનને પણ હંફાવે એવી મેગાસ્‍પીડ મેગ્‍લેવ ટ્રેન બનાવી હોવાની માહિતી મળી હતી. આ ટ્રેન એક કલાકમાં ૬૨૦ (છસો વીસ ) કિલોમીટરનું અંતર કાપી શકે છે અથવા એમ કહો કે કલાકે ૬૨૦ કિલોમીટરની ઝડપે દોડી શકે છે.

એની આ સુપર ડુપર સ્‍પીડને ધ્‍યાનમાં રાખીને એને ફ્‌લોટિંગ ટ્રેન પણ કહે છે. મિડિયા રિપોર્ટ મુજબ આ ટ્રેન વિમાની યાત્રાનો સારો વિકલ્‍પ બની શકે છે. અત્‍યારે ચીનમાં વિમાનની ઝડપ કલાકની ૯૦૦ કિલોમીટરની છે. આ ટ્રેનને દોડતી જોઇને એવું લાગે જાણે ચુંબકીય ક્ષેત્ર પર સરકી રહી છે. એટલે એને ફ્‌લોટિંગ ટ્રેન કહી છે. મિડિયાની હાજરીમાં આ ટ્રેનને ચેંગડુમાં લોંચ કરવામાં આવી હતી.

યુનિવર્સિટીના સંશોધકોએ ૧૬૫ મીટર લાંબો ટ્રેક બનાવ્‍યો હતો. એના પર ટ્રેનના દેખાવ અને કાર્યક્ષમતા રજૂ કરાયાં હતાં.

આ ટ્રેનની લંબાઇ ૨૧ મીટર છે. એના પર કામ કરી રહેલા વિજ્ઞાનીઓ કહે છે કે આ ટ્રેન ત્રણથી દસ વર્ષમાં દોડતી થઇ જશે.

ચીનમાં અત્‍યંત સ્‍પીડમાં દોડતી મેગ્‍લેવ ટ્રેન બનાવવાની શરૂઆત ૨૦૦૩માં થઇ હતી. એ સમયે બનેલી ટ્રેનની ઝડપ કલાકે ૪૩૧ કિલોમીટરની છે. કલાકે ૬૦૦ કિલોમીટરની ઝડપે દોડતી ટ્રેન સિસ્‍ટમને ૨૦૧૬માં બનાવવાની શરૂઆત થઇ હતી.

(3:50 pm IST)
  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST